Foto: Ashyq derekkóz
Sondaı-aq ol jeke qaýipsizdik máselelerine bas mán berý kerektigine toqtaldy.
«11 maýsym men 19 shilde aralyǵynda Amerıka Qurama Shtattarynda, Kanadada jáne Meksıkada fýtboldan álem chempıonaty ótedi. Bul iri sporttyq sharaǵa kóptegen sheteldik jankúıerler, sonyń ishinde bizdiń azamattar da qatysady. Osyǵan baılanysty Syrtqy ister mınıstrligi chempıonat matchtaryna jáne ózge de is-sharalarǵa baratyn azamattarǵa qaýipsizdik sharalaryn saqtap, muqııat bolýǵa shaqyrady», dedi Erlan Jetibaev.
Álem chempıonaty: FIFA Iran quramasyna qatysty sheshim qabyldady
Sondaı-aq mınıstrlik ókili el azamattaryna jeke basyn kýálandyratyn qujattardy árdaıym ózimen birge alyp júrý kerektigin aıtty.
«Qabyldaýshy elderdiń kóshi-qon zańnamasyn, vıza talaptaryn saqtaý mańyzdy. Tótenshe jaǵdaı týyndaǵan jaǵdaıda dereý jergilikti jedel qyzmetke habarlasyp, Qazaqstannyń dıplomatııalyq jáne konsýldyq mekemelerimen baılanysta bolý qajet», dedi ol.
Eske salaıyq, 2026 jylǵy fýtboldan álem chempıonaty Kanada, Meksıka jáne AQSh elderinde 11 maýsym men 19 shilde aralyǵynda ótedi. Bul týrnırge alǵash ret 48 ulttyq qurama qatysady.
