«Qazaq gazetteri» jaýapkershiligi shekteýli seriktestigi – elimizdegi eń iri jáne bedeldi medıa qurylymdardyń biri. Seriktestik quramynda qoǵamdyq-saıası, ádebı-mádenı, balalar men jastarǵa arnalǵan, ǵylymı-tanymdyq baǵyttaǵy jetekshi basylymdar bar.

Seriktestik quramyna kiretin basylymdar:

• «Egemen Qazaqstan» – elimizdiń basty qoǵamdyq-saıası gazeti. Resmı aqparat, memlekettik saıasat jáne el ómirindegi mańyzdy oqıǵalardy jarııalaıdy.

• «Kazahstanskaıa pravda» – orys tilindegi memlekettik resmı basylym. Eldegi áleýmettik-ekonomıkalyq jáne saıası jańalyqtardy qamtıdy.

• «Ana tili» – ulttyq rýh pen memlekettik til mártebesin kóterýge arnalǵan basylym.

• «Aqıqat» jýrnaly – qoǵamdyq-saıası, ǵylymı-tanymdyq, saraptamalyq jýrnal.

• «Mysl» jýrnaly – qoǵamdyq oı-pikir men ǵylymı-fılosofııalyq mazmundaǵy úsh tilde (qazaq, orys, aǵylshyn) shyǵatyn jýrnal.

• «Ýıǵýr avazı» – elimizdegi uıǵyr ultynyń qoǵamdyq, mádenı tynys-tirshiligin nasıhattaıtyn ulttyq gazet.

• «Ulan» – jasóspirimderge arnalǵan aptalyq gazet. 

• «Drýjnye rebıata» – orys tilinde shyǵatyn balalarǵa arnalǵan tanymdyq gazet.

• «Baldyrǵan» – mektep jasyna deıingi jáne bastaýysh synyp oqýshylaryna arnalǵan balalar jýrnaly.

• «Aq jelken» – jasóspirimder men jastarǵa arnalǵan tanymdyq, ádebı-kórkem jýrnal.