Prezıdent Qasym-Jomart Toqaevtyń Ekibastuz qalasyna sapary aıasynda turǵyndar tarapynan balalarǵa arnalǵan qosymsha bilim berý ortalyǵyn ashý týraly ótinish kóterilgen bolatyn.
Memleket basshysynyń tapsyrmasymen boı kótergen «Samǵaý» búginde Pavlodar oblysyndaǵy eń iri qosymsha bilim berý ortalyqtarynyń qataryna kiredi. Quny 5,3 mlrd teńgeni quraıtyn joba ERG toby men KazMinerals Bozshakol kompanııalarynyń áleýmettik qoldaýymen iske asqan.
Jazǵy demalysta balalarǵa arnalǵan 11 myńnan asa ortalyq jumys isteıdi
Ortalyqta 5 000-ǵa jýyq bala tegin bilim alady. Munda robototehnıka, baǵdarlamalaý, ınjenerlik baǵyt, óner jáne sport sekildi túrli úıirmeler jumys isteıdi.
Sonymen qatar erekshe bilim berý qajettilikteri bar 100-den astam bala ınklıýzıvti ortada bilim alyp, óz qatarlastarymen birge shyǵarmashylyq jáne bilim berý baǵdarlamalaryna qatysady.
Joba óńirdegi adam kapıtalyn damytýǵa jáne balalardyń jan-jaqty damýyna baǵyttalǵan mańyzdy bastama retinde baǵalanyp otyr.
Eske sala keteıik, búginde elimizde 1,8 mln-ǵa jýyq bala turaqty túrde dene shynyqtyrý jáne sportpen aınalysady.
