Foto: istockphoto.com
Oqıǵaǵa baılanysty polısııaǵa 30 mamyr kúni qala turǵyny aryzdanǵan. Anasynyń aıtýynsha, bir top jasóspirim onyń ulyn aldap páterge shaqyryp, birneshe saǵat boıy zańsyz ustap, kúsh kórsetken.
Tarazda jasóspirimder arasyndaǵy kıkiljiń jappaı tóbeleske ulasty
Polısııa qyzmetkerleri oqıǵaǵa qatysy bar 15-16 jastaǵy barlyq jasóspirimdi anyqtady. Olar zańdy ókilderimen birge polısııa basqarmasyna jetkizilgen.
«Atalǵan derek boıynsha qylmystyq is qozǵalyp, tergeý amaldary bastaldy», dep málimdedi polısııa departamenti.
Quqyq buzýshylyqqa qatysy bar jasóspirimder ishki ister organdarynyń esebine alyndy. Sonymen qatar is materıaldary kámeletke tolmaǵandardyń isteri jónindegi komıssııanyń qaraýyna joldanady.
Al olardyń ata-analary balalardy tárbıeleý jónindegi mindetterin tıisinshe oryndamaǵany úshin ákimshilik jaýapkershilikke tartyldy. Zańǵa sáıkes bul quqyq buzýshylyq úshin 10 aılyq eseptik kórsetkish (2026 jyly – 43 250 teńge) kóleminde aıyppul qarastyrylǵan.
Qazirgi ýaqytta oqıǵanyń barlyq mán-jaıyn anyqtaý maqsatynda tergeý jalǵasyp jatyr.
