Sarapshylardyń aıtýynsha, BUU bıýdjetiniń shamamen 42 paıyzy AQSh pen Qytaıdyń jarnalary esebinen qalyptasady. Qytaı óz mindettemelerin tolyq oryndaýǵa nıetti ekenin málimdegen. Al AQSh bolashaqtaǵy qarjylyq qoldaýyn uıym shyǵyndaryn qysqartýmen baılanystyryp otyr.
Vashıngton BUU-dan qyzmetkerler sanyn azaıtýdy, bıznes-klaspen ushatyn issaparlardy qysqartýdy jáne aýdarma jumystarynda mashınalyq aýdarma tehnologııalaryn keńinen paıdalanýdy talap etip otyr.
675 sátti operasııa: BUU qazaq bitimgerleriniń qyzmetin joǵary baǵalady
Sonymen qatar uıymdy qarjylandyratyn ózge de iri donor elder shyǵyndaryn azaıta bastaǵan. Atap aıtqanda, Ulybrıtanııa men Germanııa únemdeý saıasatyna baılanysty ashtyq pen aýrýlarmen kúresýge arnalǵan gýmanıtarlyq baǵdarlamalardy qarjylandyrýdy qysqartqan. Al Shvesııa men Nıderlandy ishki saıası ózgeristerge baılanysty qoldaý kólemin tómendetken.
Eger jaǵdaı ózgermese, BUU-nyń qarjy qory bıylǵy tamyz aıynyń ortasyna qaraı taýsylýy múmkin.
