Merekelik is-shara Astana qalasy ákimdiginiń «О́rken» balalar men jasóspirimder dene tárbıesi ortalyǵymen birlesip uıymdastyryldy. Shara barysynda qalalyq «Dıdarly jaz – 2026» sporttyq-oıyn alańdary jobasynyń resmı ashylýy jarııalandy.
«Dıdarly jaz – 2026» – Astana qalasynyń bilim berý uıymdaryn biriktiretin aýqymdy qalalyq aksııa. Jobanyń basty maqsaty – balalardyń jazǵy demalysyn tıimdi uıymdastyryp, olardyń ulttyq, oıyn jáne qozǵalmaly sport túrlerine degen qyzyǵýshylyǵyn arttyrý. Joba jas urpaqtyń boıynda jyldamdyq, kúsh, tózimdilik pen eptilik qasıetterin damytýǵa baǵyttalǵan.
Astanada 100-ge jýyq is-shara ótedi: Búgin balalardy qaıda aparýǵa bolady?
Joba aıasynda 5-6 synyp oqýshylary «Qala ishindegi qala» jyljymaly oıyndary, fýtbol, voleıbol, asyq atý, bes asyq jáne toǵyzqumalaq boıynsha túrli jarystarǵa qatysady. Bul balalardyń bos ýaqytyn paıdaly ótkizýine ǵana emes, ulttyq qundylyqtardy dáripteýge de múmkindik beredi.
Saltanatty jıynda mektep dırektory Murat Eskendiruly Ahmetov pen Astana qalasy ákimdiginiń «О́rken» balalar men jasóspirimder dene tárbıesi ortalyǵynyń dırektory Gınaıat Hamıtuly Syzdyqov sóz sóılep, jınalǵan qaýymdy Halyqaralyq balalardy qorǵaý kúnimen quttyqtady. Balalardyń jan-jaqty damýyna jaǵdaı jasaý – qoǵamnyń ortaq mindeti ekenin atap ótti.
Konstıtýsııalyq Sot: Balalardyń zańdy múddelerin qorǵaý – basym baǵyt
Merekelik baǵdarlama konserttik nómirlermen, fleshmobtarmen, bı qoıylymdarymen jáne qyzyqty oıyndarmen jalǵasty. Ertegi keıipkerleri men robottyń qatysýy balalardyń erekshe qyzyǵýshylyǵyn týdyrdy. Sondaı-aq bastaýysh synyp oqýshylaryna arnalǵan «Qanat Smart Camp» lageri, 5-10 synyp oqýshylaryna arnalǵan «Smart Bala» IT jáne jasandy ıntellekt baǵytyndaǵy «Uly dala jáne 3D álemi Digital Generation» beıindi lageri men respýblıkalyq «Jasyl el» jastar eńbek jasaǵynyń II kezeńi de óz jumysyn bastady.
Dınara Zákıeva: Balalarǵa qamqorlyq jasaý – memlekettiń basty basymdyǵy
Shara sońynda oqýshylar asfaltqa sýret salý baıqaýyna qatysyp, shyǵarmashylyq qabiletterin pash etti. Balalardyń shat kúlkisi men kóterińki kóńil-kúıi merekeniń joǵary deńgeıde ótkenin ańǵartty. Balalardy qorǵaý kúni mektep ómirindegi mańyzdy oqıǵalardyń birine aınalyp, jazǵy demalys maýsymynyń jarqyn bastalýyna jol ashty.
Janbota BAHYTBEK
