Foto: point.md
Jobany Plurial Novilia qurylys kompanııasy júzege asyrǵan. Qurylys barysynda beton qabyrǵalar men ǵımarattyń negizgi kótergish konstrýksııalaryn basyp shyǵarýǵa arnalǵan COBOD BOD2 ónerkásiptik prınteri qoldanylǵan.
Alǵashynda qurylys jumystary 50 kúnge josparlanǵanymen, úıdiń negizgi konstrýksııalaryn turǵyzýǵa nebári 34 kún ketken. Osylaısha jańa tehnologııa úı salý prosesin úsh aıǵa deıin qysqarýǵa bolatynyn kórsetti.
Jańa ǵımarattyń jalpy aýdany 800 sharshy metrdi quraıdy. Páterlerdiń barlyǵy jeke balkondarmen jabdyqtalǵan. Qazirgi ýaqytta kompanııa jańa ádispen shamamen 40 páterden turatyn taǵy bir turǵyn úı keshenin salýdy josparlap otyr. Bul joly qurylys jumystaryna birden eki 3D-prınter tartylmaq.
Sarapshylardyń pikirinshe, úsh ólshemdi basyp shyǵarý tehnologııasy qurylys salasyndaǵy eń perspektıvaly baǵyttardyń birine aınalyp keledi. Ol qurylys merzimin qysqartyp qana qoımaı, shyǵyndardy azaıtýǵa múmkindik beredi.
Eske sala keteıik, buǵan deıin Kenııada estý qabileti buzylǵan balalarǵa sabaq túsindiretin robot paıda bolǵanyn jazǵan edik.
