Foto: instagram/kudaibergenov.dimash
El mereıin álemdik sahnalardyń tórinde ústem etip júrgen Dımash Qudaıbergen kóshi-qon arqyly jahannyń ár túkpirindegi adamdar shekara asyp mádenıetti damytyp, bilim men shyǵarmashylyqty keń dáripteı alatynyn atap ótti.
«Mıgrasııa, meniń oıymsha jańa múmkindikterge jol ashady. Men túrli elderdiń sahnasynda óner kórsetken saıyn zalda álemniń san alýan elinen kelgen kórermenderdi kórip, olardyń taǵdyrlary toǵysqanyn sezinip júrmin. Mýzyka bizdi biriktiredi. Osy birliktiń ar jaǵynda jaryq pen úmitke toly adamzattyq ǵumyr joldary jatyr. Ataýly kúnge oraı árbir taǵdyr úlken hıkaıa ekenin aıtqym keledi», dedi Qazaqstannyń halyq ártisi.
BUU Kóshi-qon agenttiginiń jahandyq izgi nıet elshisi óz sózin túıindeı kele úıiniń jylýyn júreginde saqtap, álemge taratyp júrgen árbir adamǵa alǵysyn aıtty.
Eske salaıyq, Halyqaralyq mıgranttar kúni BUU Bas Assambleıasynyń ótinishi boıynsha 2000 jyldan beri atalyp keledi.
Qazaqstanda 2030 jylǵa deıingi kóshi-qon saıasatynyń jańa tujyrymdamasy ázirlendi.
Aıta keteıik, Dımash Qudaıbergenge S.D. Asfendııarov atyndaǵy Qazaq ulttyq medısına ýnıversıtetiniń qurmetti professory ataǵy berildi.
Buǵan deıin talantty ánshi týraly «Sheksiz mýzyka» atty kitap jaryqqa shyqqan edi.
