Mamyr aıynda elde birneshe mańyzdy mereke atap ótiledi. Atap aıtqanda:
- Qazaqstan halqynyń birligi kúni – 1 mamyr (juma);
- Otan qorǵaýshylar kúni – 7 mamyr (beısenbi);
- Jeńis kúni – 9 mamyr (senbi).
9 mamyr senbige túskendikten, demalys kúni 11 mamyrǵa (dúısenbi) aýystyrylady.
Sonymen qatar 27 mamyrda Qurban aıt merekesi atap ótiledi. Bul kún de resmı demalys bolyp sanalady.
Demalys kúnderi:
- Bes kúndik jumys aptasynda: 1, 2, 3, 7, 9, 10, 11 jáne 27 mamyr – demalys.
- Alty kúndik jumys aptasynda: 1, 3, 7, 9, 10 jáne 27 mamyr – demalys, 2 jáne 11 mamyr – jumys kúnderi.
Mamyr aıynda resmı merekelerden bólek kásibı jáne halyqaralyq kúnder de bar. Alaıda olar jumys kúnderine sáıkes kelse, qosymsha demalys berilmeıdi.
Aıta keteıik, 2026 jyly Qazaqstandaǵy mereke kúnderi birneshe demalys kúnine sáıkes kelip tur, sondyqtan demalys pen jumys kúnderiniń reti ózgeredi. Iаǵnı, el turǵyndary bes kúndik jumys aptasy boıynsha 119 kún demalsa, aptasyna alty kún jumys isteıtinderde bul kórsetkish 67 kúnge teń.
