Finratings.kz sarapshylarynyń málimetinshe, qazirgi ýaqytta Eýropa baǵytyndaǵy iri fraksııaly (0-300 mm) kómirdiń bir tonnasy 130-135 dollar kóleminde saýdalanyp jatyr. Al usaq fraksııaly (0-50 mm) kómirdiń baǵasy 113-115 dollar tóńireginde tur. Naqty kelisimder de osy baǵany rastaıdy: jaqynda 30 myń tonnalyq partııa tonnasyna 130 dollardan satylǵan.
Qazaqstandyq otynǵa tek Eýropa ǵana emes, Soltústik Afrıka elderi de úlken qyzyǵýshylyq tanytyp otyr. Eýropa elderi zaq merzimdi kelisimsharttar jasaýdy belsendi túrde jalǵastyrýda. Al Marokkonyń energetıkalyq kompanııasy qazaqstandyq kómirdiń alty partııasyn satyp alyp úlgerdi. Mamyr-shilde aılarynda jetkiziletin bul kómirdiń baǵasy tonnasyna 113-115 dollar bolyp bekitilgen.
Kómir elektr stansııalaryndaǵy shyǵaryndylar 34 paıyzǵa azaıady
Sarapshylar baǵanyń qymbattaýyn birneshe faktormen baılanystyrady. Birinshiden – joǵary suranys, ekinshiden – Qazaqstandaǵy iri kómir kompanııalarynyń birindegi jumys barysynyń ózgerýine baılanysty týyndaǵan alańdaýshylyq. Satyp alýshylar bolashaqta defısıt bolýy múmkin dep qaýiptenip, kólemdi aldyn ala bekitip alýǵa tyrysyp otyr.
Mamandardyń boljamynsha, aldaǵy aılarda kómir naryǵyndaǵy jaǵdaı eksporttyq aǵyndardyń turaqtylyǵyna baılanysty bolmaq.
