Foto: ashyq derekkóz
Qazirgi ýaqytta DDU-nyń resmı deregi boıynsha Ebola vırýsyn juqtyrýdyń 82 jaǵdaıy rastalyp, jeti adam qaıtys bolǵan. Alaıda uıym qazir vırýspen baılanysty bolýy múmkin shamamen 750 kúdikti juqtyrý jaǵdaıy men 177 ólim faktisin esepke alyp otyr.
«Biz Kongo Demokratııalyq Respýblıkasyndaǵy indettiń áldeqaıda aýqymdy ekenin bilemiz», dedi uıym basshysy.
Zardap shekken aımaqtar aýyr daǵdarys jaǵdaıynda otyr. Sarapshylardyń aıtýynsha, aýrýdyń taralý qaýpi áli de joǵary, degenmen DDU álemdik deńgeıde bul qaýipti tómen dep baǵalaıdy.
Afrıkada Ebola vırýsyna baılanysty tótenshe jaǵdaı jarııalandy
Tedros Gebreıesýstyń aıtýynsha, kórshiles Ýganda elinde jaǵdaı turaqty. Kongodan kelgen eki adamnan vırýs anyqtalǵan, olardyń biri qaıtys bolǵan.
Halyqaralyq qaýymdastyq jaǵdaıǵa qazirdiń ózinde áreket etip jatyr. Keshe Birikken Ulttar Uıymy Tótenshe kómek jónindegi ortalyq qordan 60 mıllıon dollar bólinetinin jarııalady. Bul qarajat Kongo men kórshiles elderdegi indetpen kúres sharalaryn jedeldetýge baǵyttalady. AQSh Kongo men Ýgandadaǵy ınfeksııamen kúreske 23 mıllıon dollar bóletinin málimdedi.
Ebola indeti Eýropaǵa jetti: AQSh dárigeri Berlın aýrýhanasyna jatqyzyldy
Aıta keteıik, Kongoda Ebola indetinen qaıtys bolǵan naýqastyń týystary medısınalyq ortalyqty órtep jiberdi.
