«Baısat» bazary Almaty ákimdiginiń menshigine ótýi múmkin

1 mın

oqý úshin

Qaırat Satybaldydan alynǵan «Baısat» bazary birneshe ret aýksıonǵa shyǵarylǵan. Biraq bazardy satyp alýshylar áli de joq. Sol sebepti qala ákimdiginiń kommýnaldyq menshigine ótý múmkindigi qarastyrylyp jatyr. Bul týraly Memlekettik múlik jáne jekeshelendirý komıtetiniń tóraǵasy Nurmahan Ádilbekov málimdedi, dep habarlaıdy Egemen.kz.

Shyńǵys MUQAEV

«Baısat» bazary Almaty ákimdiginiń menshigine ótýi múmkin

Foto: yandex.kz

N. Ádilbekovtiń aıtýynsha, eger nysandaǵy memlekettik úlesti satý múmkin bolmasa, ony jergilikti atqarýshy organnyń teńgerimine ótkizý máselesi pysyqtalady. Nysan buǵan deıin 5 ret aýksıonǵa qoıylyp, 26-28 mlrd teńgege baǵalanǵan.

Qaırat Satybaldynyń ulyna tıesili «Baısat» bazary satylymǵa shyǵaryldy

«Baısat» bazary memleket menshigi – KUVA ıeligine osydan shamamen 2 jyl buryn ótken. Qaırat Satybaldy ony 2024 jylǵy qańtarda qylmystyq tergeý barysynda memleketke «erikti túrde» qaıtarǵan.

Buǵan deıin Qaırat Satybaldynyń bıznes-ortalyǵy 61 mıllıard teńgege satylatyny týraly aıtylǵan edi.