Foto: istockphoto.com
Facebook jáne Instagram áleýmettik jelileriniń, sondaı-aq WhatsApp pen Messenger (bári de Meta kompanııasyna tıesili) paıdalanýshylary servısterdiń jumysynda aqaýlar paıda bolǵanyn habarlady.
Bul týraly Downdetector servısiniń derekteri kórsetip otyr.
Áleýmettik jeliler men messendjerlerdiń jumysyndaǵy máseleler týraly álemniń túkpir-túkpirindegi paıdalanýshylar habarlaǵan. Qazaqstanda da servısterdiń jumysynda irkilister baıqalǵan.
Paıdalanýshylar kóbinese áleýmettik jeliler men messendjerlerdiń veb-nusqasyna kire almaý, akkaýnttardan kútpegen jerden shyǵyp ketý, jańalyqtar taspasyn jańarta almaý jáne jańa jazba jarııalaý múmkin emestigine shaǵymdanýda.
Meta kompanııasynyń ókili Endı Stoýn X áleýmettik jelisinde kompanııanyń servısterge qoljetimdilikke qatysty máselelerden habardar ekenin jáne olardy joıý baǵytynda jumys júrgizip jatqanyn málimdedi.
«Biz qaıta oralyp jatyrmyz, Degenmen barlyq servıstiń tolyq qalpyna kelýi úshin biraz ýaqyt qajet bolýy múmkin», dep jazdy Endı Stoýn.
Malaızııada balalardyń áleýmettik jelige tirkelýine tyıym salyndy
