Túrkistan oblysynyń Saıram aýdanynda erte pisetin kókónis daqyldaryn jınaý naýqany bastaldy. Jergilikti aýyl sharýashylyǵy taýar óndirýshileri pııaz ónimin jınaýǵa kirisip, sonymen qatar qyryqqabatty jappaı jınaýǵa daıyndyq jumystaryn aıaqtaýǵa jaqyn. Kókónis sharýashylyǵy aýdannyń agrarlyq sektoryn kórkeıtýdegi basym baǵyttardyń biri bolyp qala beredi.
Bıyl pııaz egilgen alqap kólemi 900 gektardy qurady. Ár gektardan orta eseppen 28 tonna ónim alynatyn bolsa, jalpy 25,2 myń tonnaǵa jýyq ónim jınaý josparlanyp otyr.
Qyryqqabat 616 gektar jerge egilgen. Aldyn ala boljam boıynsha, ortasha ónimdilik gektaryna 237 sentnerdi qurap, shamamen 14,6 myń tonna ónim alýǵa múmkindik beredi.
Qazaqstan Reseıge alǵashqy qarbyz ben qaýyn ónimin eksporttaı bastady
Qazirgi ýaqytta sharýashylyqtar jınaý tehnıkasyn, logıstıkany daıyndaý jumystaryn aıaqtap, jumysshylar tobvn jasaqtaýda.
Fermerlerdiń aıtýynsha, qolaıly aýa raıy jaǵdaılary men agrotehnıkalyq sharalardyń der kezinde júrgizilýi kókónis daqyldarynyń ónimdiligine yqpal etýde.
О́ńirde kókónis sharýashylyǵyn damytý, zamanaýı ósirý tehnologııalaryn engizý jáne aýyl sharýashylyǵy óndirisiniń tıimdiligin arttyrý baǵytynda júıeli jumystar jalǵasýda.
