Foto: Conmebol
Dıýgarrı sondaı-aq somalılik tóreshige qatysty daýly jaǵdaıǵa da pikir bildirdi.
«Tóreshini tek somalılik bolǵany úshin shettetýde násilshildiktiń aıqyn belgisi bar. Bul meni alańdatady. Fýtbol mundaı bolmaýy kerek. Bul múlde basqa nárse. Fýtbol – halyqtyq sport. Al bılet baǵalaryna kelsek, olar shekten tys qymbat. Bolyp jatqan barlyq jaǵdaılar úshin, meniń súıikti sportymnyń qandaı kúıge túskeni úshin qatty uıalamyn. 10 jasymnan bastap ár tórt jyl saıyn álem chempıonatyn asyǵa kútetinmin. Al qazir keıbir elderge basqasha kózqaras tanytylatyn násilshildiktiń shyraıyn baıqap otyrmyn», dep keltiredi onyń sózin RMC Sport basylymy.
Álem chempıonynyń aıtýynsha, munyń bári oǵan jaısyzdyq týdyrady.
«Men ázirge bul chempıonatty masqara álem chempıonaty dep ataǵym kelmeıdi. Biraq buǵan deıin kórgen jáne meniń jıirkenishimdi týdyrǵan jaǵdaılardyń qaıtalanbaýyna úmittenemin», dep oıyn túıindedi.
Buǵan deıin AQSh Memlekettik departamentiniń ókilderiniń biri tóreshiniń «terrorıstik uıymdardyń boljamdy múshelerimen baılanysy bar, sondyqtan oǵan AQSh aýmaǵyna kirýge ruqsat berilmeıdi» dep málimdegen bolatyn.
Eske salsaq, Omar Abdýlkadır Artan álem chempıonatynyń fınaldyq kezeńine qyzmet kórsetetin tóreshiler tizimine engen alǵashqy somalılik arbıtr boldy. 2025 jyly ol Afrıka fýtbol konfederasııasy nusqasy boıynsha qurlyqtyń úzdik tóreshisi atandy.
Fýtboldan álem chempıonaty-2026: Oıyndardyń tolyq kestesi men ýaqyty
Sonymen qatar, Somalı AQSh vızasyn alýǵa qatysty shekteýler qoldanylatyn elderdiń qataryna kiredi. Degenmen dıplomattar men AQSh múddelerine saı keletin jekelegen saparlar úshin erekshe jaǵdaılar qarastyrylǵan.
