«Qazaqstan baýyrlas Reseımen strategııalyq seriktestik jáne odaqtastyq rýhynda dáıekti túrde damyp kele jatqan dostyq ári tatý kórshilik qarym-qatynasty joǵary baǵalaıdy. Sizdiń jýyrda Qazaqstanǵa jasaǵan memlekettik saparyńyz aıryqsha mánge ıe. Onyń nátıjesi ózara tıimdi yntymaqtastyqtyń kókjıegin keńeıtip, aýqymdy jobalar men bastamalardy júzege asyrýǵa tyń serpin berdi. Birlesken kúsh-jigerimizdiń arqasynda Qazaqstan men Reseı arasyndaǵy memleketaralyq baılanystar aldaǵy ýaqytta barlyq salada qarqyndy damı beredi dep senemin», delingen jedelhatta.
Qasym-Jomart Toqaev Vladımır Pýtınniń Reseı Federasııasynyń ıgiligi men órkendeýi jolyndaǵy jaýapty memlekettik qyzmetine tolaıym tabys tiledi.
