Foto: Elektrondyq saýda portaly (arhıv)
Komıtet tóraǵasynyń aıtýynsha, mundaı múlikti olar tegin alady. Bul shara bıýdjet qarajatyn únemdeý maqsatynda qarastyrylǵan.
«Avtokólikterdi satyp alǵannan góri, olardy tárkilengen múlik qatarynan alǵan durys (munda Perızat Qaırattyń isi boıynsha tárkilengen kólikter týraly aıtylyp otyr). Bul quqyq memlekettik organdardyń ókilettikterin retteıtin normatıvtik-quqyqtyq aktilerde bekitilgen. Olarǵa nelikten osy quqyqty paıdalanbasqa? Eger qandaı da bir sebeppen eshkim qyzyǵýshylyq tanytpasa nemese bul kólikterdi alýǵa nıet bildirmese, onda olar aýksıon arqyly satylady», dedi Nurmahan Ádilbekov.
Perızat Qaırattan tárkilengen kólik memlekettik organdardyń menshigine berildi
Onyń málimdeýinshe, Perızat Qaıratqa tıesili bolǵan avtokólikter quqyq qorǵaý organdarynyń qaramaǵyna berilgen.
Eske salaıyq, buǵan deıin Perızat Qaırattyń Mercedes-Benz kóligi Astana polısııasyna berilgeni týraly jazǵan edik.
