Foto: Report
Fılıppınniń bıligi aralda izdestirý-qutqarý jumystary áli de jalǵasyp jatqanyn habarlady.
Elde tabıǵı apat saldarynan shamamen 1,9 myń ǵımarat zaqymdanǵan. Olardyń qatarynda mektepter, aýrýhanalar jáne turǵyn úıler bar. Onyń ishinde 1,5 myńǵa jýyq nysan tolyqtaı qıraǵan.
Jer silkinisinen eń kóp zardap shekken aımaqtardyń biri – Heneral-Santos qalasynda tótenshe jaǵdaı rejımi jarııalanǵan.
Sonymen qatar halyqaralyq áýejaı da zaqymdanyp, birqatar reıs keıinge shegerilgen. Fılıppınniń Azamattyq avıasııa basqarmasy apat saldaryn joıý jumystaryn jedeldetý úshin áýejaıdy paıdalanýǵa ruqsat bergen.
Eske sala keteıik, Fılıppınde 8 maýsymda magnıtýdasy 7,8 bolatyn kúshti jer silkinisi tirkeldi. Saldarynan 32 adam qaza taýyp, Japonııa jaǵalaýlaryna sýnamı qaýpi tóngen edi.
