Foto: istockphoto.com
Jazba avtorynyń aıtýynsha, áıel buǵan deıin sol er adammen qarym-qatynasta bolǵan. Biraq onyń agressıvti minez-qulqyna baılanysty araqatynasyn úzgen. Sodan keıin de er adam ony mazalap, ártúrli nómirlerden qońyraý shalyp, jumys ornynyń janynda kútip júrgen.
Jaqyndarynyń aıtýynsha, er adam ony jaldamaly páterge alyp barǵan. Sol jerde janjal týyndap, aıaýsyz soqqyǵa jyqqan.
«Ol es-tússiz jatqanyn túsingen kezde jedel járdem shaqyrmady. Onyń ornyna páter men denesin qannan tazalaýǵa kiristi. Ol onyń ómirin saqtap qalýy múmkin ýaqytty joǵaltty. Dárigerlerge ol áıel batareıaǵa soǵyldy dep aıtqan», delingen jazbada.
Marqumnyń týystary bul nusqamen kelispeıdi jáne onyń alǵan jaraqattary aýyr soqqydan bolǵanyn aıtady.
Qaıtalanǵan stalkıng úshin bas bostandyǵynan aıyrý jazasy engiziledi
Qazirgi ýaqytta oqıǵaǵa baılanysty resmı tergeý júrip jatyr.
Eske sala keteıik, buǵan deıin Jetisý oblysynda qyzdy uzaq ýaqyt boıy ańdyp, mazalaǵan kúdikti ustalǵan edi. Alakól aýdandyq soty ony dıagnozyna baılanysty qylmystyq jaýapkershilikten bosatyp, jalpy úlgidegi psıhıatrııalyq stasıonarǵa májbúrli emdeýge jiberý týraly sheshim qabyldady.
