Foto: ashyq derekkóz
Aldyn ala málimet boıynsha ol qarııalardyń senimine kirip, 2,8 mıllıon teńgeden astam qarajatty ıemdengen.
Tergeý barysynda anyqtalǵandaı, kúdikti óz áreketterin túski ýaqytta júzege asyryp otyrǵan. Eki zeınetkerdiń de bir-birine jaqyn mańdaǵy úılerde turýy qylmystyń muqııat josparlanǵanyn ańǵartady.
Talǵarda alaıaqtar Djekı Channyń beınesin paıdalanyp zeınetkerdi aldaýǵa tyrysqan
Alǵashqy jaǵdaıda kúdikti ózin ýchaskelik ınspektor retinde tanystyryp, 77 jastaǵy qarııanyń úıine kirgen. Telefon nómirlerin «jańartý» syltaýymen ol zeınetkerdiń depozıttik shotynan óz esepshotyna 1 mıllıon 350 myń teńge aýdaryp jibergen. Qarııa qarajattyń joǵalǵanyn tek keshki ýaqytta baıqaǵan.
Kelesi kúni alaıaq 74 jastaǵy qala turǵynyn aldaǵan. Bul joly ol ózin áleýmettik qyzmetker retinde tanystyryp, medısınalyq taksı rásimdeýge kómektesetinin aıtqan. Senimge kirý úshin áıelge 20 myń teńge bergen. Keıin «taksı kartasyn rásimdeý» barysynda zeınetkerdiń bıometrııalyq beınejazbasyn túsirip alǵan. Arada az ýaqyt ótken soń bank qyzmetkerleri habarlasyp, onyń atyna nesıe rásimdelgenin jetkizgen. Keltirilgen shyǵyn kólemi 1 mıllıon 500 myń teńgeni qurady.
ShQO-da polıseıler zeınetkerdi alaıaqtardan qutqaryp qaldy
Jedel-izdestirý sharalary nátıjesinde kúdiktiniń jeke basy anyqtaldy. Qaraǵandy qalasynyń 31 jastaǵy turǵyny buǵan deıin de alaıaqtyq qylmystary úshin sottalǵan. Qazirgi ýaqytta kúdikti qamaýǵa alynyp, sotqa deıingi tergeý amaldary júrgizilýde. Polıseıler onyń osyǵan uqsas ózge de qylmystarǵa qatysy bar-joǵyn tekserip jatyr.
Aıta keteıik, Aqmolada alaıaqtarǵa aldanǵan kásipker 24 mln teńgesinen aıyryldy.
