Foto: Almaty qalasynyń ákimdigi
Aýa temperatýrasy +2 °C shamasynda bolsa, jeldiń jyldamdyǵy 2-7 m/s aralyǵynda boldy. Qardyń qalyńdyǵy qala aýmaǵynda shamamen 1 santımetrge jetse, taýly aımaqtarda 10 santımetrge deıin túsken.
Qala kóshelerin qardan tazartý jáne kóktaıǵaqtyń aldyn alý maqsatynda kommýnaldyq qyzmetter kúsheıtilgen rejımde jumysqa kiristi. Túngi ýaqytta qala joldaryna 918 arnaıy tehnıka men 2 550-den astam jol jumysshysy shyqty. Negizgi magıstraldar, kópirler, jol aıryqtary, eńister men trotýarlar kóktaıǵaqqa qarsy materıaldarmen óńdelip jatyr.
Qar túspeı turyp, 204 qum-tuz shashqysh tehnıka magıstraldardy aldyn ala suıyq reagenttermen óńdegen. Qazir joldarǵa arnaıy qospalar sebilip, aıaldamalar men jaıaý júrginshiler ótkelderi tazartylyp jatyr.
Qalalyq ákimdiktiń málimetinshe, kóshelerdegi jaǵdaıdy baqylaý jáne muz qatqan aımaqtarda jedel áreket etý úshin 75 patrýldik brıgada kezekshilikte tur. Qajet bolǵan jaǵdaıda qosymsha 1000-ǵa deıin tehnıka men 6110 jol jumysshysy jumyldyrylmaq.
Bul rette taksı qyzmetiniń baǵasy da kúrt ósken.
Almaty turǵyndary áleýmettik jelilerde qar basqan kósheler men kólik keptelisteri týraly beınejazbalarmen bólisip, qaladaǵy qystyń alǵashqy áserlerin talqylap jatyr.
