Ulttyq quramanyń tizimin bas bapker Iýlıan Nagelsman jarııalady. Quramǵa 26 fýtbolshy engizilgen. Al týrnırdegi komanda kapıtany Iozýa Kımmıh bolady.
40 jastaǵy Manýel Noıer úshin bul mansabyndaǵy besinshi álem chempıonaty bolmaq. Ol buǵan deıin 2010, 2014, 2018 jáne 2022 jyldardaǵy mýndıaldarǵa qatysqan. 2014 jylǵy álem chempıonatynyń fınalynda Germanııa quramasy Argentınany 1:0 esebimen jeńip, chempıon atanǵan edi.
Germanııa bapkeri Noıerdiń qazirgi quramdaǵy eń tájirıbeli oıynshylardyń biri ekenin atap ótti. Onyń ulttyq quramadaǵy sońǵy oıyny Eýro-2024 týrnıriniń shırek fınalynda Ispanııaǵa qarsy match bolǵan. Qaqpashy Germanııa quramasy sapynda barlyǵy 124 match ótkizgen.
Anchelottı Neımardy álem chempıonatyna baratyn quramǵa qosty
Germanııa quramasy álem chempıonatyndaǵy alǵashqy matchyn 14 maýsymda Kıýrasaoǵa qarsy ótkizedi. Sonymen qatar toptyq kezeńde Kot-d’Ivýar jáne Ekvador quramalarymen kezdesedi.
Buǵan deıin Lıonel Messıdiń de 2026 jylǵy álem chempıonatyna qatysatynyn jazǵan edik.
