Foto: Qorǵanys mınıstrligi
Senat depýtattary «Áskerı qyzmetshilerdiń quqyqtyq jaǵdaıyn jetildirý, qorǵanys jáne áskerı qyzmet máseleleri boıynsha keıbir zańnamalyq aktilerge ózgerister men tolyqtyrýlar engizý týraly» zań jobasyn talqylady.
Qujat aıasynda «Qorǵanys jáne Qarýly Kúshter týraly», «Áskerı qyzmet jáne áskerı qyzmetshilerdiń mártebesi týraly» jáne «Bitimgershilik qyzmet týraly» zańdarǵa birqatar ózgeris engizý kózdelgen.
Kúzge deıin 21 myńnan astam azamat ásker qataryna shaqyrylady
Zań jobasynda sheteldegi áskerı ókildik apparattarynyń quqyqtyq mártebesin bekitý men olardy qarjylandyrý tártibi aıqyndalǵan. Sondaı-aq zańda áskerı qyzmetshilerdiń laýazymdaryn dıplomatııalyq qyzmet ókilderiniń laýazymdarymen teńestirý usynylǵan.
Jańa ózgerister qabyldanǵan jaǵdaıda, Qarýly Kúshter men Shekara qyzmetiniń áskerı qyzmetshileri antıterrorlyq operasııalar jáne tótenshe jaǵdaı rejımi kezinde úsh eselengen aqshalaı tólem alady.
Eske sala keteıik, buǵan deıin bokstan álem chempıony Sáken Bıbosynov aǵa leıtenant áskerı shenin alǵan bolatyn.
