Foto: istockphoto.com
Jalǵan aqparat taratý jáne adamdar tobynyń aldyn ala sóz baılasýymen jasalǵan buzaqylyq boıynsha aıyptalyp otyrǵan sottalýshylar Ámir Qasenov pen Janna Qapparovanyń sotqa kelmeýine baılanysty Almaly aýdandyq soty qylmystyq is boıynsha otyrysty 15 maýsymǵa shegerdi.
Sottyń málimetinshe, sottalýshylardyń sot talqylaýyna qatysýy olardyń prosessýaldyq mindeti bolyp sanalady. Dáleldi sebepsiz sotqa kelmeý isti qaraý prosesine kedergi keltirip, sot talqylaýynyń sozylýyna alyp keledi.
Sot qylmystyq-prosestik zańnama talaptaryna sáıkes, sottalýshylar dáleldi sebepsiz kelmegen jaǵdaıda zańda kózdelgen prosestik májbúrleý sharalaryn, sonyń ishinde kúshtep ákelýdi qoldanýǵa quqyly ekendigin eskertti.
Eske salaıyq, buǵan deıin QazTAG agenttiginiń bas dırektory Áset Mataev pen bas redaktory Ámir Qasenovqa qatysty qylmystyq is qozǵalyp, olar kórineý jalǵan aqparat taratý baby boıynsha kúdikti dep tanylǵan bolatyn.
