Foto: Ashyq derekkóz
PhD, dosent Aleksandr Neftısov podkastta sportshylardy daıyndaýda ǵylymı tásilderdi praktıkalyq qoldaný týraly egjeı-tegjeıli áńgimeledi. Ol bıomehanıka, fızıologııa jáne sıfrlyq monıtorıng sııaqty dál derekter men tehnologııalar kúshti qural beretinin, biraq olar jattyqtyrýshynyń ıntýısııasyn, psıhologııalyq turaqtylyqty jáne básekelestik jaǵdaıda jyldam beıimdelý qabiletin almastyra almaıtynyn atap ótti.
«Sport – bul matematıka emes, munda oılaný kerek. Jarys barysynda sportshynyń psıhologııalyq kúıi, motıvasııasy, qarsylas qysymy, tipti kezdeısoq jaǵdaılar nátıjege tikeleı áser etedi. Mundaı kúrdeli faktorlardy kez kelgen model 100% dál boljaı almaıtyny anyq. Sondyqtan sporttaǵy tabys tek matematıkalyq esepteýlerge súıenbeıdi. Ol tereń taldaýdy, tájirıbeni, kreatıvti oılaýdy jáne naqty sátte durys sheshim qabyldaı bilýdi talap etedi. Jattyqtyrýshynyń ıntýısııasy men sportshynyń ishki daıyndyǵy keıde kez kelgen sıfrlyq modelden de mańyzdyraq ról atqarady», dedi Aleksandr Neftısov.
Elordadaǵy Ulttyq sport ýnıversıtetiniń qurylysy jyl sońyna deıin aıaqtalady
Áńgime barysynda ol sporttyq daıyndyqqa ǵylymdy ıntegrasııalaý, talanttardy anyqtaý úshin ıntellektýaldy júıelerdi ázirleý, ýnıversıtettiń federasııalarmen yntymaqtastyǵy jáne sportta Industry 4.0 perspektıvalary týraly aıtty. Sonymen qatar Aleksandr Neftısov akademııalyq ǵylymdy Qazaqstan sportynyń praktıkalyq qajettilikterimen úılestiretin jobalardy iske asyrý tájirıbesimen bólisti.
Eske sala keteıik, jýyrda Jeńil atletıka federasııasy men Qazaq ulttyq sport ýnıversıteti memorandým jasasty. Memorandým aıasynda jeńil atletıkadan Qazaqstannyń jazǵy chempıonattary ulttyq sport ýnıversıtetiniń bazasynda ótkiziletin bolyp sheshildi.
