Foto: istockphoto.com
Marqum Oraldaǵy Nazarbaev Zııatkerlik mektebiniń túlegi bolǵan. Jaqyndarynyń áleýmettik jelide jarııalaǵan málimetinshe, otbasy onyń máıitin Qazaqstanǵa jetkizý úshin qarajat jınap jatyr. Aldyn ala esep boıynsha tasymaldaý shyǵyny shamamen 8000 eýrony quraıdy.
Italııandyq BAQ-taǵy derekterge sáıkes, Brıatıko jaǵalaýynda tabylǵan er adamnyń denesinde jartastarǵa soǵylý saldarynan jaraqattar bolǵan. Marqumnyń janynan uıaly telefon men jeke zattary tabylǵan.
Qaraǵandydaǵy jataqhanada 21 jastaǵy sheteldik stýdent kóz jumdy
Qazaqstan Respýblıkasynyń Syrtqy ister mınıstrligi oqıǵaǵa qatysty mán-jaıdyń anyqtalyp jatqandyǵyn málimdedi.
«Qazaqstan Respýblıkasynyń Italııadaǵy elshiligi men Italııanyń quzyretti organdary oqıǵanyń mán-jaıyn anyqtap jatyr. Elimizdiń dıplomattary marqumnyń týystarymen baılanysta bolyp, qajetti konsýldyq-quqyqtyq kómek kórsetip jatyr», delingen vedomstvo habarlamasynda.
Eske sala keteıik, buǵan deıin Qaraǵandyda eki úndistandyq stýdent sýǵa batyp ketkeni týraly qaraly habar taraǵan edi.
