Foto: Getty Images
Diario As basylymynyń málimetinshe, endi álemdegi árbir fýtbolshynyń kelisimshartynda mindetti túrde ótemaqy (klaýsýla) týraly tarmaq bolýy tıis. Eger kórsetilgen soma tólense, qoldanystaǵy kelisimshart óz kúshin joıady. Mundaı júıe qazirdiń ózinde Ispanııada qoldanylady. Alaıda basqa elderdiń fýtbol federasııalary ony engizýge asyqpaǵan.
Bul qadam fýtbolshylardyń klýbtar arasyndaǵy aýysýyn jeńildetedi dep otyr. Sonymen qatar jyldyq jalaqysy 150 myń eýroǵa deıingi oıynshylar klaýsýla somasynyń nemese transfer qunynyń 5 paıyzy kóleminde ótemaqy alýǵa mindetti túrde quqyly bolady. Eger transfer somasy klaýsýladan ózgeshe bolsa, ótemaqy transfer quny negizinde esepteledi.
FIFA Álem chempıonatynan qansha tabys tabady?
Fýtbolshylar bul tólemnen ishinara bas tarta alady. Alaıda ótemaqy kólemi kelisimsharttyń sońǵy jylyndaǵy jalaqy mólsherinen nemese transfer somasynyń 2,5 paıyzynan tómen bolmaýy tıis.
FIFA kelisilgen sheshimderdi tek olardyń zańnamalyq normalarǵa qaıshy keletinin nemese shamadan tys shyǵyndarǵa alyp keletinin dáleldegen jaǵdaıda ǵana iske asyrýdan bas tarta alady.
