Foto: Aýyl sharýashylyǵy mınıstrligi
Aýyl sharýashylyǵy mınıstrliginiń málimetinshe, jalpy alǵanda, bıyl 2,2 mln gektar jerdi óńdeý josparlanǵan. Bul kórsetkish 2024 jylmen salystyrǵanda 30%-ǵa az. Bul Úkimettiń qoldaýymen júrgizilgen keshendi jumystardyń jáne ósimdikterdi qorǵaý júıesindegi eleýli ózgeristerdiń nátıjesi. Atap aıtqanda, qyzmetterdi satyp alýdyń biryńǵaı júıesi engizilip, úderister ortalyqtandyrylyp, bıýdjet qarajatyn paıdalaný tıimdiligi artty.
Qazaq-qytaı ǵalymdary shegirtkemen kúrestiń jańa ádisin usyndy
«Jeldetkish búrikkishterdiń ónimdilik normalary qaıta qaralyp, kórsetkish 100 gektardan 70 gektarǵa deıin tómendetildi. Bul tartylǵan tehnıkanyń sanyn 556 birlikke arttyrýǵa múmkindik berdi, ıaǵnı 2025 jylmen salystyrǵanda 25%-ǵa kóp. Sonymen qatar, fıtosanıtarııalyq qyzmettiń tehnıkalyq parki jańartylyp, 103 dron satyp alyndy. Onyń 57-si monıtorıng jumystaryna, 46-sy hımııalyq óńdeý júrgizýge arnalǵan», delingen habarlamada.
Shegirtkege qarsy kúrestiń tıimdiligin arttyrý maqsatynda «FITOCENTRE» qosymshasy iske qosyldy. FAO-men birlesip sıfrlyq tehnologııalar, jasandy ıntellekt jáne ushqyshsyz apparattardy qoldanýǵa baǵyttalǵan seriktestik joba júzege asyrylyp jatyr.
О́ńirlerdegi jedel shtabtar shtattyq rejımde jumys isteıdi.
Buǵan deıin Qazaqstanda shegirtkege qarsy 480 myń gektarǵa jýyq jer óńdelgeni týraly habarlaǵan edik.
