Foto: turbo-drive
Aldyn ala málimet boıynsha, nómir jasyl tústi bolýy múmkin. Jańa júıe bıyl jazda qabyldanǵanymen, kólik ıeleri nómirlerdi birden ala almaıdy.
«Elektromobılderge arnalǵan arnaıy memlekettik nómirlerdi daıyndaýǵa bıýdjetten qosymsha qarajat bólinbeıdi. Sebebi ózgeris tek nómirdiń túsine qatysty bolady. Aldyn ala málimet boıynsha, onyń túsi jasyl bolýy múmkin. Biz alty aılyq ótpeli kezeń engizýdi usynyp otyrmyz. Bul ózgeriske bıýdjetten qarjy jumsalmaıdy», dedi Ishki ister mınıstriniń orynbasary Sanjar Ádilov.
Zań jobasynda júrgizýshisiz kólikterdiń qozǵalysyn retteý, sondaı-aq elektrosamokattar men shaǵyn elektr kólikteriniń jol qozǵalysyna shyǵýyna shekteý engizý máseleleri qarastyrylǵan.
Sonymen qatar mas kúıinde kólik júrgizip, júrgizýshi kýáliginen aıyrylǵandarǵa kýálik alý merzimin 7-8 jylǵa deıin uzartý usynylǵan.
Eske sala keteıik, buǵan deıin Ishki ister mınıstrligi kóliktiń memlekettik tirkeý nómirin jaqyn týystarǵa muraǵa qaldyrýǵa múmkindik beriletindigin málimdedi. Jańa tártipke sáıkes, buryn paıdalanylǵan nómirlerdi memlekettik organdarǵa, sheteldik dıplomatııalyq ókildikter men konsýldyq mekemelerge, sondaı-aq olardyń qyzmetkerleri men otbasy múshelerine rásimdeýge bolady.
