Foto: Getty Images
Klýbtyń baspasóz qyzmeti dırektorlar keńesiniń otyrysynan keıin málimdeme jarııalap, Moýrınıýdi Madrıdke qaıtarý týraly sheshim qabyldanǵanyn habarlady.
Taraptar úsh jyldyq kelisimshartqa qol qoıdy. Joze Moýrınıý jańa da, eski klýbyndaǵy jumysyna 13 shildede, maýsym aldyndaǵy daıyndyq bastalǵan kúni kirisedi.
«2026 jylǵy 11 maýsym, beısenbi kúni Florentıno Perestiń tóraǵalyǵymen ótken «Real Madrıd» klýbynyń dırektorlar keńesi Joze Moýrınıýdi 2029 jylǵy 30 maýsymǵa deıingi merzimge, ıaǵnı aldaǵy úsh maýsymǵa negizgi komandanyń bas bapkeri etip taǵaıyndaý týraly sheshim qabyldady», delingen klýb málimdemesinde.
Esterińizge salaıyq, Moýrınıý «Realdy» 2010-2013 jyldar aralyǵynda jattyqtyrǵan bolatyn. Osy kezeńde «koroldik klýb» onyń jetekshiligimen 178 match ótkizip, 127 ret jeńiske jetti, 23 ret jeńilip, 28 oıynda teń tústi.
Portýgalııalyq mamanmen birge madrıdtik komanda bir ret Ispanııa chempıonatyn, bir ret Ispanııa kýbogyn jáne bir ret Ispanııa sýperkýbogyn jeńip aldy. Alaıda Chempıondar lıgasyn baǵyndyra almady.
