Foto: Kazsport
Meksıka men Ońtústik Afrıka Respýblıkasy quramasy arasyndaǵy kezdesý 2:0 esebimen Meksıka komandasynyń jeńisimen aıaqtaldy.
Meksıka sapynanan Hýlıan Kınones pen Hımenes gol soqty.
Al ońtústik afrıka oıynshylary qajetsiz jerde ereje buzyp, oıyn barysynda eki birdeı fýtbolshysy qyzyl qaǵaz alyp, alańnan qýyldy. Kezdesýdiń 92-shi mınýtynda Meksıka quramasynyń fýtbolshysy ekinshi eskertýin alyp, oıynnan tys qaldy. Biraq bul alań ıeleriniń nátıjesine esh áser etken joq. Tolyq quramda tegeýrindi qarsylyq kórsete almaǵan OAR komandasy, toǵyz oıynshymen Meksıkaǵa eshteńe isteı almady.
Osylaısha A tobynda Meksıka quramasy alǵashqy úsh upaıdy ıelenip, alǵa shyqty. Endi osy toptaǵy Ońtústik Koreıa men Chehııa quramasy ózara baq synaıdy. Qos qarsylas arasyndaǵy oıyn Astana ýaqyty boıynsha tańerteńgi saǵat 7:00-de bastalady.
Aıta keteıik, 2026 jylǵy álem chempıonaty AQSh, Kanada jáne Meksıka aýmaǵynda ótedi. Týrnır 20 shildege deıin jalǵasady.
