Foto: kz.oqu.news (arhıv)
Saýda jáne ıntegrasııa mınıstrliginiń málimetinshe, ınspeksııa mamandary «Barys-IV» bazaryn tekserý barysynda veterınarııalyq ilespe qujattary joq, tıisti tańbalanbaǵan jáne arnaıy qaptamasyz satylymǵa shyǵarylǵan 13 680 taýyq jumyrtqalaryn anyqtady. Ákimshilik quqyq buzýshylyq týraly kodeksine sáıkes hattamalar toltyrylyp, kináli tulǵalarǵa jalpy somasy 1 297 500 teńge kóleminde aıyppul salyndy.
Qazaqstan jumyrtqa ımportyna shekteý qoıdy: Naryqta otandyq ónim úlesi artty
«О́nimdi joıý úderisi adam men janýarlardyń densaýlyǵyna, sondaı-aq qorshaǵan ortaǵa qaýip tóndiretin taǵam ónimderin joıý erejelerine (Úkimettiń №140 qaýlysy) sáıkes, 2026 jyldyń 10 maýsymynda tárkilengen 13 680 jumyrtqa qalalyq mal qorymyndaǵy «Bekker shuńqyryna» tastalyp, bıotermııalyq ádispen konservasııalandy», delingen habarlamada.
Shymkentte Reseıden zańsyz ákelingen 11,8 myń jumyrtqa joıyldy
Budan soń, kóterme jáne bólshek saýda uıymdarynyń basshylaryna veterınarııalyq-sanıtarııalyq talaptardy saqtaý boıynsha túsindirý jumystary júrgizildi. О́zge elderden zańsyz ákelingen ónimderdi satýǵa tyıym salý týraly resmı hattar joldandy.
Eske salaıyq, buǵan deıin EAEO elderinen jumyrtqany ımporttaýǵa tyıym salynatyny týraly aıtylǵan edi.
