Aldyn ala málimet boıynsha, 16-17 jastaǵy birneshe oqýshy emtıhan aıaqtalǵannan keıin tabıǵat aıasynda demalýǵa barǵan. Kýágerlerdiń aıtýynsha, ózen jaǵasynda barlyǵy bes jasóspirim – úsh qyz jáne eki ul bolǵan.
Jergilikti turǵyndardyń aıtýynsha, oqıǵa kezinde qyzdardyń biri sýǵa batqan dostaryn qutqarýǵa tyrysqan, alaıda ózi de aǵysqa túsip ketken. Nátıjesinde úsh jasóspirim sýdan shyǵa almaı, qaıtys boldy. Al qalǵandarynyń birin sol mańda júrgen jastar qutqaryp úlgergen.
Keı derekterge sáıkes, jasóspirimderdi demalys ornyna kólikpen jasy úlken tanystary jetkizgen. Ol olardyń sýǵa túsetinin bilmegenin aıtqan.
Qutqarýshylardyń málimetinshe, eki adamnyń denesi keshki ýaqytta tabylsa, úshinshi jasóspirimniń denesi keıinirek anyqtalyp, sýdan shyǵarylǵan.
Qazir oqıǵanyń mán-jaıy anyqtalyp jatyr.
Tótenshe jaǵdaı qyzmeti turǵyndardy sý aıdyndarynda qaýipsizdik erejelerin qatań saqtaýǵa shaqyrdy.
Shomylý maýsymy bastaldy: Sý aıdyndaryndaǵy qaýipsizdik deńgeıi qandaı?
