Foto: QR Mádenıet jáne aqparat mınıstrligi
Sala ókilderin kásibı merekemen quttyqtaǵan Úkimet basshysynyń orynbasary Aıda Balaeva mádenıettiń qoǵamnyń rýhanı damýynda jáne ulttyq biregeılikti qalyptastyrýda aıryqsha oryn alatynyn atap ótti.
Búginde Qazaqstannyń mádenıet jáne óner salasynda 60 myńǵa jýyq adam eńbek etedi. Keıingi úsh jylda mádenıet salasynyń 592 ókili memlekettik nagradalarmen marapattaldy. Sonymen qatar Memleket basshysynyń atynan mádenıet jáne buqaralyq aqparat quraldary qyzmetkerlerine 331 páter sertıfıkaty tabystaldy.
Prezıdent ánshi Maqpal Júnisova men dombyrashy Tatıana Býrmıstrovany marapattady
Osy oraıda Aıda Balaeva sala ókilderiniń atynan Memleket basshysyna otandyq mádenıetti damytýǵa kórsetip kele jatqan turaqty qoldaýy, erekshe nazary men qamqorlyǵy úshin alǵys rızashylyǵyn bildirdi.
«Memleket basshysynyń mádenıet salasyna aıryqsha kóńil bólýi barshamyz úshin erekshe mánge ıe. Prezıdentimiz jyl saıyn mádenıet jáne óner qyzmetkerlerin kásibı merekemen quttyqtap, salanyń úzdik ókilderin memlekettik nagradalarmen marapattap keledi. Búgin Memleket basshysy M. Gorkıı atyndaǵy Memlekettik akademııalyq orys drama teatry men Rahmadıev atyndaǵy Memlekettik akademııalyq fılarmonııaǵa «Ulttyq» mártebe berý týraly bastama kóterdi. Bul – sizderdiń óner men mádenıet jolyndaǵy tynymsyz eńbekterińizge, bıik talǵamyńyz ben shyǵarmashylyq izdenisterińizge berilgen asa joǵary baǵa, el rýhanııatyna qosqan ólsheýsiz úlestiń jarqyn moıyndalýy. Osy tarıhı ári mártebeli sheshimmen ujymdardy shyn júrekten quttyqtaımyn», dedi Premer-mınıstrdiń orynbasary.
Sondaı-aq is-shara barysynda salada kásibı eńbekti moıyndaý júıesi dáıekti túrde damyp kele jatqany atap ótildi. «Halyq ártisi» qurmetti ataǵy qaıta bekitilńp, «Asyl mura» jańa syılyǵy engizildi. Memlekettik stıpendııalardyń mólsheri ulǵaıtyldy. Buǵan qosa, kóp jyldan beri alǵash ret mýzykalyq bilim berý uıymdary men memlekettik konserttik uıymdarǵa mýzykalyq aspaptar satyp alýǵa qarajat bólindi.
Saltanatty jıynda mádenıet jáne óner salasynyń 32 ókili marapatqa ıe boldy. Qazaqstan Respýblıkasy Prezıdentiniń Jarlyǵymen 17 adam memlekettik nagradalarǵa ıe boldy. Atap aıtqanda, III dárejeli «Barys» ordenimen teatr jáne kıno aktrısasy, teatr pedagogi, professor Jumagúl О́mirzaqqyzy Meıramova, «Parasat» ordenimen ánshi, kompozıtor, Júsipbek Elebekov atyndaǵy Respýblıkalyq estrada-sırk kolledjiniń dırektory Jeńis Seıdýllauly marapattaldy. Sondaı-aq teatr, mýzyka, mýzeı, ǵylym, restavrasııa jáne konsert salalarynyń ókilderine marapattar tabystaldy.
Aıda Balaeva: Mádenıet – halqymyzdyń ulttyq bolmysynyń aıqyn kórinisi
Taǵy 15 sala qyzmetkeri vedomstvolyq nagradalarmen marapattaldy. Olardyń qatarynda Aqmola oblysy Zerendi aýdandyq mádenıet úıiniń «Arqa áýenderi» halyqtyq folklorlyq ansambliniń jetekshisi Talǵat Ibraev, Birlesken murajaılar dıreksııasynyń saqtaý jáne konservasııalaý bóliminiń ádiskeri Rahıma Jaqsybaeva, sondaı-aq óńirlik mádenıet úıleri, mýzeıler, teatrlar, fılarmonııalar, shyǵarmashylyq oqý oryndary men konserttik uıymdardyń qyzmetkerleri bar.
Aıta keteıik, Astanada «Mádenıet jáne ınnovasııa» respýblıkalyq forýmy ótti.
