Foto: BQO ákimdigi
Qytaı memleketine batysqazaqstandyq delegasııany bastap barǵan aımaq basshysy Narıman Tóreǵalıev 50 memlekettiń ókilderi bas qosqan jıynda Qytaıdyń iri ónerkásiptik ortalyǵy sanalatyn Lıaonın provınsııasynyń áleýetimen tanysty.
«Batys Qazaqstan oblysy – Qytaı Halyq Respýblıkasynyń Tóraǵasy Sı Szınpınniń Astana qalasynda jarııalaǵan «Bir beldeý – bir jol» bastamasynyń mańyzdy tranzıttik toraby. Kelissózder men qoldaýdyń nátıjesinde qytaılyq kompanııalar oblys aýmaǵynda suıyq metanol, sement zaýyttary, gaztýrbınalyq jáne jel elektr stansalaryn salýǵa kiristi. О́zge de joba-jospar az emes. Byltyr BQO men Qytaı arasyndaǵy taýar aınalymy 1,5 ese ósip, 175 mln AQSh dollaryna jetti. Biz Lıaonın provınsııasymen ınnovasııalyq sheshimder, jasandy ıntellekt, óńdeý ónerkásibi salasynda ınvestısııalyq baılanystardy odan ári tereńdetýge daıynbyz», degen Batys Qazaqstan oblysynyń ákimi Narıman Tóreǵalıev konferensııanyń jalpy otyrysynda óńiraralyq yntymaqtastyqty damytý boıynsha usynys-pikirin jetkizdi.
Qytaılyq ınvestorlar BQO-da jańa zaýyttar men elektr stansalaryn salady
Lıaonın provınsııasyna qarasty shaharlar álemniń 96 qalasymen baýyrlas. Búgin bul qatarǵa Batys Qazaqstan oblysynyń ortalyǵy da qosyldy. Oral men Szınchjoý qalalarynyń basshylyǵy baýyrlastyq qatynas ornatý týraly nıettestik hattamasyna qol qoıdy. Onyń aıasynda taraptar saýda-ekonomıkalyq, ǵylymı-tehnıkalyq, mádenı-sporttyq jáne ózge de mańyzdy baǵyttar boıynsha turaqty baılanys ornatýǵa ýaǵdalasty.
