Foto: Qazaqstan shahmat federasııasy
Sportshy jaqynda jeńimpaz atanǵan Norway Chess týrınıriniń oqý-jattyǵý jıyndaryna óz qarajatymen qatysqanyn aıtyp, sekýndanttarynyń eńbekaqysy áli tolyq tólenbegenin jetkizdi.
«Maǵan sport salasynyń basshylarymen jumys isteý barǵan saıyn qıyndap barady. 2023 jyly álem chempıonatyndaǵy ekinshi altyn medalimdi jeńip alǵannan keıin mınıstrlik bekitken 1 mln teńge kóleminde jalaqy alyp júrdim. Alaıda 2025 jyldan bastap bul jalaqy úsh ese qysqartyldy. Qazaqstan shahmat federasııasy tarapynan maǵan buryn da, qazir de jalaqy tólengen emes. Al shahmattan álem chempıonatyndaǵy jeńis úshin beriletin syıaqy nebári 2 myń dollardy quraıdy. Bul Olımpıada júldesi úshin qarastyrylǵan 250 myń dollarlyq syıaqymen salystyrǵanda áldeqaıda tómen», dedi Bıbisara Asaýbaeva.
Shahmatshy mınıstrmen kezdesýde qarjylandyrý máselesin kóterip, qoldaý ýáde etilgenin, alaıda bólingen qarajattyń tek bir bóligi ǵana túskenin aıtty.
Bıbisara Asaýbaeva Norway Chess týrnıriniń jeńimpazy atandy
«Qańtar aıynda biz bapkerimmen birge mınıstrmen kezdesip, federasııa bólgen qarajattyń jetkiliksiz ekenin aıttyq. Mınıstr Sport Qory qoldaý qory arqyly kómektesýge ýáde berdi. Qorǵa ótinim bergenimizben, tek qarajattyń bir bóligi ǵana bólindi. Sonyń saldarynan sekýndanttar qashyqtan jumys isteýge májbúr boldy. Men osyndaı mańyzdy jarysqa sekýndant ertip bara almaǵan jalǵyz shahmatshy boldym. Nátıjesinde týrnırde ekinshi oryn aldym», dedi ol.
Sonymen qatar sportshy II dárejeli «Barys» ordenin alýǵa tıis bolsa da, marapattaý rásiminiń birneshe ret keıinge shegerilýine baılanysty ony áli ala almaǵanyn málimdedi.
Norway Chess Women-2026: Bıbisara Asaýbaeva álem chempıonyn jeńdi
Aıta keteıik, buǵan deıin mánerlep syrǵanaýdan olımpıada chempıony Mıhaıl Shaıdorov aqpan aıynan beri jalaqy almaǵanyn málimdegen bolatyn. Keıin bul máselege qatysty Týrızm jáne sport mınıstrligi túsinikteme berip, sportshyǵa jańa kelisimshart usynylǵanyn habarlaǵan edi. Sondaı-aq jaqynda sportshy 30 jas sportshynyń árqaısysyna 200 myń teńgelik sertıfıkat tabys etti.
