Joba Atyraý oblysy Mádenıet, tilderdi damytý jáne arhıv isi basqarmasynyń qoldaýymen «Altyn tuǵyr» qoǵamdyq qory tarapynan uıymdastyrylyp otyr.
Músháıranyń negizgi maqsaty – qoǵamda adaldyq, ádildik, memleketshildik jáne parasattylyq qundylyqtaryn nasıhattaý, sondaı-aq sybaılas jemqorlyqqa qarsy mádenıetti qalyptastyrýǵa yqpal etý.
Uıymdastyrýshylardyń málimetinshe, baıqaýǵa Qazaqstannyń barlyq óńirinen 18 ben 45 jas aralyǵyndaǵy jazba aqyndar qatysa alady. Qatysýshylar shyǵarmalaryn elektrondy poshta arqyly joldaıdy. Músháıra jabyq formatta ótetindikten, óleńder búrkeme atpen qabyldanyp, sarapshylar alqasyna avtordyń aty-jóni kórsetilmeı usynylady.
Baıqaýǵa usynylatyn shyǵarmalarda adaldyq, ádildik, memleket múddesine adal qyzmet etý, azamattyq jaýapkershilik, ar-ojdan tazalyǵy jáne sybaılas jemqorlyqqa qarsy kózqaras taqyryptary kórkemdik turǵyda ashylýy kerek.
«Músháıranyń júlde qory 4 mıllıon 400 myń teńgeni quraıdy. Bas júlde ıegerine 800 myń teńge tabystalsa, birinshi orynǵa – 700 myń teńge, ekinshi oryn alǵan eki aqynnyń árqaısysyna – 500 myń teńgeden, úshinshi oryn alǵan úsh aqynnyń árqaısysyna – 300 myń teńgeden beriledi. Sonymen qatar bes arnaıy syılyq qarastyrylǵan. О́leńder men ótinimder 2026 jylǵy 30 maýsymǵa deıin qabyldanady», deıdi «Altyn tuǵyr» qoǵamdyq qorynyń tóraıymy Araı Qalıeva.
Aıta keteıik, músháıra qorytyndysy boıynsha úzdik shyǵarmalar arnaıy poezııalyq jınaqqa engizilip, memlekettik mekemeler men kitaphanalarǵa taratylmaq.
Aıta keteıik, Abaı atyndaǵy memlekettik syılyqqa 32 shyǵarma usynyldy.
