Foto: kokshetoday.kz
Farmasevtıka jáne bıotehnologııalar
Úkimet Qaraǵandy oblysynda quny 42,5 mlrd teńge bolatyn farmasevtıkalyq keshendi salý jáne jańǵyrtý jobasyn maquldady. Kásiporynda onkologııalyq, aýtoımmýndyq jáne orfandyq aýrýlardy emdeýge arnalǵan dárilik zattardy qosa alǵanda, 74 ataýdaǵy ónim óndiriledi. Sondaı-aq belsendi farmasevtıkalyq sýbstansııalar men ımmýnobıologııalyq preparattar shyǵarylady. Joba aıasynda shamamen 70 jumys orny qurylady.
Almaty oblysyndaǵy «Alataý» arnaıy ekonomıkalyq aımaǵynda quny 32,5 mlrd teńge bolatyn tolyq sıkldi bıofarmasevtıkalyq keshen salý josparlanǵan. Iske qosý merzimi — 2031 jyl. Zaýyt onkologııalyq jáne orfandyq aýrýlardy emdeýge arnalǵan preparattardy qosa alǵanda, 20 ataýdaǵy dárilik zat pen ımmýnobıologııalyq ónim shyǵarady.
Energetıka jáne jasyl tehnologııalar
Qazaqstandyq Baskan Irrigation kompanııasy Jetisý oblysynda qýaty 30 MVt bolatyn Pokatılov sý elektr stansııasyn salýdy josparlap otyr. Nysandy paıdalanýǵa berý 2028 jylǵa kózdelgen. Joba aıasynda kólemi 80 mln tekshe metrge deıin jetetin sý qoımasy salynyp, 32 myń gektarǵa jýyq aýyl sharýashylyǵy jerin sýarýǵa múmkindik beredi. Sonymen qatar jylyna shamamen 30 myń MVt/saǵ elektr energııasy óndiriledi.
Túrkistan oblysynda quny 307 mln AQSh dollaryn quraıtyn kún elektr stansııasynyń qurylysy bastaldy. Jobany China Energy Overseas Investment Co. Ltd. kompanııasy Qazaq Green Power PLC kompanııasymen birlesip jáne «Samuryq-Energo» qoldaýymen júzege asyrýda. Stansııa 2027 jyly iske qosylǵannan keıin jyl saıyn shamamen 674 mln kVt/saǵ elektr energııasyn óndiredi.
Metallýrgııa jáne taý-ken óndirisi
Eń aýqymdy jobalardyń biri — Pavlodar oblysynda sıngapýrlyq XINFA kompanııasy salatyn alıýmınıı klasteri. Investısııa kólemi — 15 mlrd AQSh dollary. Joba boksıtterdi tereń óńdeýdi kózdeıdi jáne jyl saıyn 4,8 mln tonnaǵa deıin glınozem, 2,4 mln tonna elektrolıttik alıýmınıı jáne 1,2 mln tonna tereń óńdelgen ónim óndirýge múmkindik beredi. Qurylys 2026 jyly bastalyp, birinshi kezeńi 2028 jyly iske qosylady. Joba aıasynda shamamen 10 myń jumys orny ashylady.
Qytaılyq Sinolnvest Group Ltd. kompanııasy Qaraǵandy oblysyndaǵy temir ken ornyn ıgerýge kirisedi. О́ndiristik qýaty — jylyna 100 myń tonna ken. Paıdalaný merzimi 2027-2034 jyldarǵa josparlanǵan.
Aqtóbe qalasynda quny 100 mln AQSh dollary bolatyn Eýrazııalyq ıntegrasııalanǵan jasyl mys ónerkásibi zaýytynyń qurylysy bastaldy. Joba qytaılyq Beijing Jinvi Yuanfang Group ınvestısııalary esebinen qazaqstandyq Phoenix Industrial Group kompanııasymen birlesip júzege asyrylýda. Zaýyt mys synyqtarynan jylyna 25 myń tonnaǵa deıin tazartylǵan mys óndiredi. Iske qosý 2027 jylǵa josparlanǵan. О́nim ishki naryqqa jáne EAEO men EO elderine eksporttalady.
Týrızm jáne ınfraqurylym
Almaty SuperSki taý shańǵysy kýrorty jobasyn júzege asyrýǵa Fransııa, Kanada jáne AQSh kompanııalary tartyldy. Fransýz tarapy 11 aspaly jol salady, kanadalyq kompanııalar ınjenerlik jobalaýmen aınalysady, al amerıkalyq tarap qurylysty basqarý jáne úılestirý jumystaryn júrgizedi. Kýrortty iske qosý 2028 jylǵa josparlanǵan.
Baký keme jasaý zaýytynda Kaspıı teńizinde jumys isteıtin alǵashqy konteınerlik kemeniń qurylysy bastaldy. Joba «Qazmortransflot» pen Abu Dhabi Ports seriktestigi aıasynda júzege asyrylýda. 2027 jyldyń sońyna deıin syıymdylyǵy árqaısysy 780 TEU bolatyn eki keme salý josparlanǵan.
Atalǵan jobalardy iske asyrý Qazaqstanǵa:
- Myńdaǵan jańa jumys oryndaryn qurýǵa;
- Joǵary qosylǵan quny bar óńdeýshi óndiristerdi damytýǵa;
- Eksporttyq áleýetti arttyrýǵa;
- Jasyl energetıka men farmasevtıka salalaryn ilgeriletýge;
- О́ńirlerge iri sheteldik ınvestısııalar tartýǵa jáne olardyń damýyna serpin berýge múmkindik beredi.
Joǵaryda atalǵan barlyq jobalardyń júzege asyrylýy — Prezıdent Qasym-Jomart Toqaevtyń Ádiletti Qazaqstandy qurý jáne aýqymdy ekonomıkalyq transformasııa júrgizý jónindegi dáıekti saıasatynyń naqty nátıjesi.
Memleket basshysy ekonomıkany ártaraptandyrý, óńdeýshi óndiristerdi damytý jáne sapaly sheteldik ınvestısııalar tartý mindetin qoıǵan bolatyn. Búginde bul saıasat naqty nátıjeler berýde: óńirlerde zamanaýı kásiporyndar ashylyp, myńdaǵan jumys oryndary qurylýda, eksporttyq áleýet artyp, eldiń ónerkásiptik táýelsizdigi nyǵaıýda.
Metallýrgııa, farmasevtıka, jasyl energetıka jáne aýyl sharýashylyǵy salalaryndaǵy iri jobalar Qazaqstannyń Prezıdent aıqyndaǵan baǵyt boıynsha joǵary tehnologııaly, ártaraptandyrylǵan jáne básekege qabiletti ekonomıkany qalyptastyrý jolynda senimdi qadam jasap kele jatqanyn kórsetedi.
