Balanyń anasy Nazgúl Sandybaevanyń aıtýynsha, bala úıdiń aýlasynda oınap otyrǵanda birneshe ıt kelip shabýyl jasaǵan. Daladaǵy aıǵaı-shýdy estigen kórshisi balany ıtteren arashalyp alǵan.
«Bes jasar ulymnyń denesinde saý tamtyǵy joq. Ittar jambasynan bastap, arqasyn, qoldaryn, saýsaǵyna deıin tistap tastaǵan», deıdi Nazgúl.
Anasynyń aıtýynsha, balanyń alǵan jaraqaty kóp. Qazir dárigerlerdiń baqylaýynda.
Balalar men eresekter jıi zardap shegýde: Prezıdent qańǵybas ıtter máselesine qatysty pikir bildirdi
Oral ákimdigi qaraýsyz júrgen ıtterdi aýlaý, zararsyzdandyrý, vaksınasııalaý, jáne ýaqytsha ustaý jumystary QR «Janýarlarǵa jaýapkershilikpen qaraý týraly» Zańyna sáıkes júrgizilip jatqandyǵyn málimdedi.
Ákimdiktiń málimetinshe, sáýir aıynyń basynan beri qalada 283 qaraýsyz janýar ustalǵan. Onyń ishinde zararsyzdandyrýdan, vaksınasııadan jáne ıdentıfıkasııadan keıin 205 ıt pen mysyq tabıǵı mekendeý ortasyna jiberildi. Buryn anyqtalǵan taǵy 78 janýar qaıtadan vaksınasııadan ótip, kóshege jiberilgen.
Ákimdikte aýlaý gýmanıtarlyq ádistermen jáne janýarlar júretin oryndardyń monıtorıngi, sondaı-aq turǵyndardyń ótinishteri negizinde júrgizilip jatqanyn atap ótti.
Sondaı-aq, qala bıligi úı janýarlarynyń ıelerine olardy ustaý jáne serýendeý erejelerin saqtaýǵa jáne kóshede baqylaýsyz qalýyna jol bermeýge shaqyrdy.
Sanıtarlyq-epıdemıologııalyq qyzmettiń málimeti boıynsha, sáýir aıynda qalada bes ret ıt qabý oqıǵasy tirkelgen. Turǵyndardyń ótinishterinen keıin eki janýar karantınge alynǵan.
Qańǵybas ıtter júkti áıelge shabýyl jasady: Ana men balanyń jaǵdaıy qatań baqylaýda
Osy oraıda zardap shekken balanyń anasy aýdan turǵyndary úıler men oıyn alańdary mańynda qabaǵan ıtteriń úıirlerine únemi tap bolatynyn aıtty.
Batys Qazaqstan oblysyndaǵy bul oqıǵa elimizde qaraýsyz qalǵan janýarlar týraly zańnamadaǵy ózgeristerdi talqylaý kezinde oryn aldy.
Depýtat qańǵybas ıtterden qutylýdyń jolyn usyndy
2026 jylǵy 19 mamyrda Qazaqstan Prezıdenti Qasym-Jomart Toqaev «Janýarlarǵa jaýapkershilikpen qaraý týraly» zańǵa túzetýlerge qol qoıdy. О́zgeristerge sáıkes, el OSVV — «ustaý, zararsyzdandyrý, vaksınasııalaý, qaıta jiberý» modelinen bas tartyp, janýarlardy qaıtarymsyz aýlaý júıesine kóshedi.
Buǵan deıin Oral ákimdigi negizgi qyzmet túri etti óńdeý jáne konservileıtin «О́rken» JShS-men qaraýsyz qalǵan janýarlardy aýlaýǵa kelisimshart jasasqan bolatyn. Sharttyń quny 9 mln 396 myń teńgeni qurady.
Tehnıkalyq erekshelikke sáıkes merdiger janýarlardy aýlaýmen, olardy ýaqytsha ustaý pýnktterine tasymaldaýmen, sondaı-aq joıýmen aınalysýǵa tıis. Jyl sońyna deıin 2 myńǵa jýyq janýardy aýlaý josparlanýda.
