Foto: Aqorda
Aımaq ákimi óńirde qolaıly ınvestısııalyq klımat qalyptasyp, ekonomıkany ártaraptandyrýda aldaǵy úsh jylǵa 1 trıllıon 900 mıllıard teńgeniń 48 ınvestısııalyq jobasyn iske asyrý josparlanǵanyn aıtty.
Bıyl oblysta 1 trıllıon teńgege 14 iri jobanyń qurylysy bastalady.
Sondaı-aq Prezıdenttiń Ulttyq quryltaı otyrysynda bergen tapsyrmasyna sáıkes, Qyzylorda qalasynda 300 oryndyq kópbeıindi aýrýhana, 500 oryndyq emhana, 200 oryndyq perınataldyq ortalyq, jańa drama teatry men zamanaýı kitaphananyń qurylystary júrgizilip jatyr.
Qyzylorda – Aqtóbe avtojolyn keńeıtý jobasynyń birinshi kezeńi bastaldy. Beıneý – Sekseýil tas jolynyń qurylysy jaqynda qolǵa alynbaq.
Jyl sońyna deıin 10 eldi meken gazdandyrylyp, halyqtyń 85 paıyzy kógildir otynnyń ıgiligin kóredi.
Úı kezegindegi azamattardy baspanamen qamtý maqsatynda bıyl 2 400 páter berý josparlanǵan.
Oblystaǵy 138 shaqyrym avtomobıl joldary, kósheler men kópir ótkelderin jóndeýden ótkizý, joldardyń 95,5 paıyzyn jaqsartý kózdelgen.
Memleket basshysy oblys ákimine ekonomıkany ártaraptandyrý, ınvestısııa tartý, ekologııalyq ahýaldy ilgeriletý jáne aýyl sharýashylyǵyna sý únemdeý tehnologııalaryn engizý jumystaryn jalǵastyrý boıynsha birqatar tapsyrma berdi.
Buǵan deıin Prezıdentke Pavlodar oblysynyń ákimi óńirdiń byltyrǵy jáne 2026 jyldyń birinshi toqsanyndaǵy áleýmettik-ekonomıkalyq damýy jaıynda málimet berdi.
