Foto: Aqorda
О́ńir ákimi Asaıyn Baıhanov ótken jyldyń qorytyndysyna sáıkes, Pavlodar oblysynda barlyq negizgi kórsetkishter boıynsha oń dınamıka baıqalatyny jóninde baıandady.
О́ńir ekonomıkasyna shamamen 1,3 trıllıon teńge ınvestısııa tartylyp, ósim 47 paıyzdy quraǵanyn aıtty.
Investısııa tartý jóninen oblys respýblıkadaǵy kóshbasshylardyń biri sanalady.
Byltyr ónerkásip óndirisiniń kólemi 4,1 trıllıon teńgege jetti. Elimizde óndiriletin kómir men ferroqorytpanyń 58 paıyzy, elektr qýatynyń 42 paıyzy Pavlodar oblysyna tıesili.
Aýyl sharýashylyǵy ónimderiniń jalpy kólemi 9,6 paıyzǵa artyp, 571,4 mıllıard teńgege jetti. Ylǵal únemdeý tehnologııasyn qoldaný boıynsha Pavlodar oblysy óńirler arasynda aldyńǵy qatardan kórinip, sharýalar kartop, kúnbaǵys jáne qaraqumyqty mol jınady.
Áleýmettik mindettemelerdiń oryndalý barysy týraly aqparat berdi.
Prezıdent ánshi Maqpal Júnisova men dombyrashy Tatıana Býrmıstrovany marapattady
О́ńirde 30 myńnan astam jańa jumys orny ashylyp, qalalarda 2 mektep jáne aýyldarda 3 mektep, sondaı-aq 30 densaýlyq saqtaý nysany boı kóterdi. Bıyl taǵy 2 mektep salý jáne áleýmettik mańyzy bar 5 iri jobany júzege asyrý josparlanǵan.
Byltyr aýyldardyń barlyǵy taza aýyz sýǵa qol jetkizgenin málimdedi.
О́ńirdiń úsh qalasyndaǵy qoǵamdyq kólik parki tolyq jańartyldy.
Jaqsy jaǵdaıdaǵy avtokólik joldarynyń úlesi 96 paıyzǵa kóbeıip, 621 shaqyrym avtokólik joly jáne aýyl ishindegi kósheler jóndeldi. Bıyl óńirdegi perspektıvti aýyldardyń kireberis joldaryn asfalttaý jumystaryn aıaqtaý josparlanyp otyr.
Ertis ózeni arqyly ótetin jańa kópir salý, áýejaıdyń ushý-qoný jolaǵyn jáne «Shahter» saıabaǵyn jańǵyrtý, tramvaı parkin jańartý, úshinshi GRES salý jáne «Derekterdi óńdeý ortalyqtarynyń alqaby» jobasyn júzege asyrý jónindegi Prezıdent tapsyrmalarynyń oryndalýy jaıynda esep berdi.
Prezıdent Ekibastuz qalasynyń áýe qatynasyn damytýǵa erekshe nazar aýdaryp, oblys ákimine shaharda jańa áýejaı ashý máselesin jan-jaqty pysyqtaýdy tapsyrdy.
Bul jobany iske asyrý óńirdiń kólik-tranzıt áleýeti men ınvestısııalyq tartymdylyǵyn arttyra túsedi. Sonymen qatar óńirdiń áleýmettik-ekonomıkalyq turǵydan odan ári damýyna tyń serpin beredi.
Memleket basshysy ınvestısııa tartý, áleýmettik ınfraqurylymdy damytý jáne ınjenerlik-kommýnaldyq keshendi jańǵyrtý jumystaryn jalǵastyrý jóninde mindet júktedi.
Eske salaıyq, búgin Memleket basshysy ónerpazdarǵa beriletin memlekettik stıpendııa kólemi eki ese ósetinin aıtty.
