Foto: Astana qalasynyń ákimdigi
Is-sharaǵa memlekettik organdardyń ókilderi, halyqaralyq jáne otandyq BAQ, sport qaýymdastyǵy, bıznes jáne týrızm salasynyń mamandary, sondaı-aq kreatıvti ındýstrııa ókilderi qatysty.
«Búgin Halyqaralyq ústel tennısi federasııasy týynyń resmı tanystyrylymy ótip jatyr. 10 mamyr kúni Londonda komandalyq álem chempıonaty aıaqtaldy, onyń qorytyndysy boıynsha týdy saltanatty tabystaý rásimi ótti. Bul – dástúrli, jyl saıyn ótetin shara. Álem chempıonatyn ótkizetin el kelesi uıymdastyrýshy memleketke estafetany tabystaıdy», dedi Qazaqstan ústel tennısi federasııasy janyndaǵy uıymdastyrý komıtetiniń dırektory Dilmar Jumadilov.
Onyń aıtýynsha, Astanaǵa shamamen 1200 adam – sportshylar, ulttyq quramalar, jattyqtyrýshylar men halyqaralyq federasııa ókilderi keledi dep kútiledi.
Tennıs ústelindegi sensasııa: AI-robot kásibı oıynshylardy jeńdi
Tanystyrylym barysynda chempıonattyń resmı týyn alyp shyǵý rásimi ótip, chempıonattyń resmı tumary, kádesyı jáne ımıdjdik ónimderin ázirleýge arnalǵan halyqaralyq jáne respýblıkalyq baıqaýlar jarııalandy.
Uıymdastyrýshylar álem chempıonaty Qazaqstandaǵy eń iri halyqaralyq sporttyq oqıǵalardyń birine aınalatynyn atap ótti.
Eske sala keteıik, buǵan deıin Qazaqstanǵa ústel tennısinen álem chempıonatynyń týy tapsyrylǵanyn jazǵan edik.
