Ústimizdegi jyldyń 22 mamyrynda Astana qalasynda «Astana qalasynyń sol jaǵalaý bóligindegi jylý magıstrali» jobasyna sáıkes kópir ótkelin montajdaýmen baılanysty Astana stansasy boıynsha jolaýshylar poıyzdarynyń kestesine ózgerister engiziletin bolady.
Qurylys jumystaryn júrgizý úshin Astana – Qyrqynshy baǵytyndaǵy 3 negizgi jol jabylsa, osyǵan baılanysty poıyzdar qozǵalysynyń kestesine jańa nusqalar jasalyp engiziledi. Jolaýshylardyń kelýi men ketýi 22 mamyr kúngi saǵat 00.00-den sol kúngi 12.00 aralyǵynda Qyrqynshy stansasy arqyly júzege asyrylady.
Stansada jolaýshylardyń avtobýstarǵa temirjoldar arqyly ótýi men otyrǵyzylýy qaýipsiz deńgeıde júrgiziledi. Osy maqsatta Astana vokzaly – Qyrqynshy stansasy marshrýty boıynsha jolaýshylar qatynasy uıymdastyrylyp, temirjol alańdarynan ótý úshin ol jerler qosymsha jaryqtandyrylady.
Tehnıkalyq «tereze» kezeńinde poıyzdar qozǵalysy men manevrler óndirisiniń qaýipsizdigin qamtamasyz etý úshin jaýapkershilik «Qazaqstan temir joly» UK» AQ-tyń qurylymdyq bólimsheleriniń birinshi basshylaryna júktelip otyr.
«Egemen-aqparat»