QARAǴANDY. 17 mamyr. Qaraǵandyda oblystyq MMA aralas jekpe-jek federasııasynyń ókilderi jergilikti polısııa qyzmeti jol patrýldik polısııasy polkiniń qyzmetkerlerine arnap sheberlik synybyn ótkizdi. Bul týraly Qaraǵandy oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady.
MMA aralas jekpe-jekten Qaraǵandy oblysy quramasynyń jáne TOP TEAM MMA KARAGANDA klýbynyń aǵa jattyqtyrýshysy Samat Berdeshuly Qojahmetov tártip saqshylaryna bir jarym saǵattaı jekpe-jektiń tásilderin kórsetip, daıyndyq jattyǵýlaryn júrgizdi.
Qaraǵandy qalalyq ishki ister basqarmasynyń jergilikti polısııa qyzmeti jol-patrýldik polısııasynyń komandıri, polısııa polkovnıgi Symbat Tórebekov óz atynan jáne jeke quram atynan ótkizilgen sheberlik sabaǵy úshin federasııa ókilderine alǵys aıtty.
Qaırat Ábildınov.
Derek, foto: Qaraǵandy oblystyq ishki ister departamentiniń baspasóz qyzmeti.