Qaǵazdan bas almaıtyndary nesi?

Bizdiń oblysqa Bolat Baqaýov­tyń ákim bolyp taǵaıyn­dal­ǵa­nyna kóp ýaqyt ótken joq. Sóıtip, ádet­tegideı jıyn­dar, ákim­dik oty­­­­rys­tary, brı­fıngter, kez­desý­­­­ler bas­taldy. Olar da kerek shy­­­ǵar. Biraq, sol basqosýlarda Bolat Ba­qaýov aldyndaǵy qaǵaz­d­an bas kóter­­meıdi. Jınal­ǵan jurt, tele­dı­­dar­­dan qaraǵan kópshilik ob­lys ák­i­mi­niń kózderin kór­meıdi. Jıyn bas­­tal­ǵan­nan-aq, orys tilin­de j­azy­l­­ǵan mátin­di oqı beredi, oqı be­­re­di. Jurt­qa qaramaıdy. Me­­re­­ke, sal­ta­nat­­tar­da da qolyna bú­­­­ris­­­­­­ti­­­­r­ip jar­ty bet qaǵaz alyp shyǵady. Bilimdi, bilikti ákimder eldiń, jergilikti jerdiń jaǵdaıyn bes saý­saǵyndaı bilýleri kerek. Qaǵaz­ǵa qaramaı sóıleý – óńir­diń jaǵ­da­ıy­nan jaqsy habar­dar degen sóz. Qaǵazǵa qaraý­dyń da or­ny, jó­ni, josyǵy bar. Al oblys áki­mi­­­nen kórgen oryn­basarlary da, aýdan, qala ákim­deri de sóıtedi. My­­sa­­ly, Lebıaji aýdanynyń ákimi Serik Janǵazınov te aýyldastarynyń al­dynda qolyn­daǵy qa­ǵaz­ǵa ja­zyl­ǵandy oqyp turady. Tip­ti, keıbir ákimder qazaq tilinde sóı­­le­meı-aq qoısa eken deıtin bol­­dyq. Búıtip, tildi burap qor qyl­­ǵan­sha, oryssha-aq sóıleı ber­genderi jaqsy. Ekinshi bir aıtarymyz, bas­shy­lardyń, jaýapty laýazym­daǵylardyń halyqtan alystamaı, ıaǵnı kabınetterine tyǵylmaı, elge jaqyn júrgenderi durys bolar edi. Keshe ǵana keńes ótkizgen Memleket basshysy Nursultan Nazarbaev jýrnalısterden, jalpy, qoǵamnan qashatyn sheneýnikter men saıa­satkerlerge eskertý jasa­dy: «Biz Ekonomıkalyq ynty­maq­tas­tyq jáne damý uıymynyń standarttaryna talpynyp, álem­degi eń damyǵan 30 eldiń qataryna qosylamyz degen maqsat ustanyp otyrmyz. Osy uıymdaǵy, jalpy, damyǵan elderdegi eń bir jaqsy standart – bul elderdiń úkimeti halyq aldyna kúnde shyǵady, úkimet músheleriniń barlyǵy qoǵam aldynda qurdaı jorǵalaıdy. Ol elderdiń mınıstrleri bir másele týyndaı qalsa, jedel pikir bildiredi. Al bizde qalaı? Meniń aıtarym, brıfıngke kelip, jýrnalısterdiń aldynda qaǵazǵa jazylǵan mátindi oqyp berý – aqparattyq jumys emes... Biz­diń mınıstrler brıfıngterde jýr­nalısterden qashqanda, aldyna jan salmaıdy, qarapaıym suraqqa jaýap bermeıdi», – dedi Prezıdent. Bizdiń de ákimderge, basqa da basshy laýazymdaǵylarǵa «Qaǵaz­dan basyńdy kóter, halyqqa túzý qara!» degimiz keledi. Elbasy aıt­qan­daı, «qoǵamnan «tyǵylý» tıim­siz jumystyń basty sebebi. Saıa­sat­­ker halyqpen sóılesip, qoǵam­nyń senimin jaýlap alýy kerek. Ha­lyq­pen jıi-jıi kezdesken durys...». Farıda BYQAI, «Egemen Qazaqstan» Pavlodar oblysy