TARAZ. 18 mamyr. M.H.Dýlatı atyndaǵy Taraz memlekettik ýnıversıteti men Haılbronn ýnıversıteti halyqaralyq basqarý jónindegi birlesken qazaqstan-german ýnıversıteti stýdentter semınaryn ótkizýde. Bul týraly egemen.kz tilshisi habarlady.
M.H.Dýlatı atyndaǵy Taraz memlekettik ýnıversıteti Haılbronn ýnıversıtetimen 2014 jyldan bastap áriptestik baılanys ornatqan. Sondyqtan atalmysh semınar jumysyna Haılbronn ýnıversıtetiniń professory Iаvorskı Ejı jáne 12 stýdenti qatysýda. Semınarda Qazaqstan men Germanııa, sondaı-aq Ortalyq Azııa arasyndaǵy ekonomıkalyq qarym-qatynastardyń jaı-kúıi qarastyrylady.
Sonymen qatar, semınar qonaqtaryna Taraz qalasyndaǵy «Qazfosfat» AQ-y, «Rysbaeva jáne K» JShS-i syndy óndiris oshaǵy men kásipkerlik nysandary tanystyrylyp, oblys aýmaǵyndaǵy Áýlıe-Bastaý, Berikqara shatqaly memlekettik tabıǵı-qoryǵy jáne Bılikól aýmaǵyna, kóne Taraz arheologııalyq keshenine eko-týr uıymdastyrylady.
Jalpy, Haılbronn ýnıversıtetimen áriptestik arqasynda TarMÝ joǵary bilim berýdegi salasyndaǵy úlken jetistikterge qol jetkizdi. 2014 jyly qyrkúıek aıynyń 14 juldyzynda TarMÝ-ǵa leksııa oqý úshin Haılbronn ýnıversıtetiniń professory Ejı Iаrovskı shaqyryldy. Al 2015 jyldyń qazan aıynda professor Ejı Iаrovskı Qazaq handyǵynyń 550 jyldyǵyna arnalǵan mereıli toıǵa qatysqan bolatyn.
Akademııalyq utqyrlyq baǵdarlamasy aıasynda 2014-2015 oqý jylynda M.H.Dýlatı arasyndaǵy Taraz memlekettik ýnıversıtetiniń stýdentteri Ásem Basqanbaeva, Anar Smaılova jáne 2015-2016 oqý jylynda Baǵjan Nurjanova Haılbronn ýnıversıtetinde oqyp keldi. Al TarMÝ magıstranty Aqmonshaq Kókeı Heılbronne ýnıversıtetinde Baden-Vıýrtemberg stıpendııasy boıynsha bilim alýda.
Sáıkesinshe, búginde Taraz memlekettik ýnıversıtetinde Haılbronn ýnıversıtetiniń stýdenti Djennıffer Kern «Menedjment» mamandyǵy boıynsha oqyp jatyr. Ázirge, TarMÝ men Haılbronn arasyndaǵy qos dıplomdy bilim berý baǵdarlamasy «Menedjment», «Týrızm» jáne «Ekonomıka» mamandyqtary boıynsha júzege asýda. Bolashaqta bul mamandyqtar tizimine elimizdiń eńbek naryǵyndaǵy asa qajetti mamandyqtarmen tolyǵa bermekshi.
Oralhan Dáýit.
Derek, foto: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e