Keshe Astanada «Qazaqstan-2020» demokratııalyq kúshter jalpyulttyq koalısııasynyń alǵashqy jıyny ótti

Koalısııa jıyny Koalısııany Elbasy Nursul­tan Ábishuly Nazarbaevtyń óki­lettigin uzartý boıynsha referendým ótkizý bastamasyn qoldaý maqsatynda «Nur Otan» halyq­tyq-demokra­tııa­lyq partııasy qurǵan bolatyn. Onyń quramyna «Ádi­let» demokra­tııalyq partııa­sy, Qa­zaqstan patrıottar par­tııa­sy, Qa­zaq­stan kommýnıstik ha­lyqtyq par­tııasy, «Aýyl» Qa­zaq­stan so­sıal-demokratııalyq par­tııasy, «Rý­hanııat» jasyldar par­tııasy sııaqty elimizdiń jetekshi saıası partııa­larymen qatar, iri qoǵamdyq uıymdar, birlestikter, odaqtar kirdi. Jıynda «Aq jol» demo­kra­tııalyq partııasy óziniń koalı­sııaǵa qosylǵandyǵyn jarııa etti. «Nur Otan» partııasy tek El­ba­synyń aınalasyna top­ta­syp, birigý ǵana básekege qabi­let­ti, qýatty memleket qurý jolyn­daǵy talap­tar­ǵa tótep beretindigin esepke ala otyryp, jalpy­ult­tyq demo­kra­tııalyq kúshter koalısııasyna qosylýǵa shaqyr­ǵan bolatyn. Sondyqtan jıynǵa qatysý­shy­lar taǵy bir márte Elbasy­men birge strategııalyq mindetterdi júzege asyrýǵa birikken koalısııa­nyń negizgi maqsatyna degen óz­deriniń berik ustanym­da­ryn kór­setti. Olardyń aldynda sóz alǵan, partııa Tóraǵasynyń birinshi orynbasary Nurlan Nyǵ­matýlın: «Az ǵana ýaqyttyń ishinde bizdiń demokratııalyq kúsh­ter koalısııa­syna birikken saıası partııalar men qoǵamdyq uıymdardyń sany 600-den asty. Osynyń ózi Elbasy­myzdyń óki­lettigin uzartý úshin referendým ótkizý bastamasynyń búkil hal­qymyzdy biriktirip, qazaqstan­dyq­tardyń tek qana Nursultan Ábishuly Nazarbaevty qoldaýy­nyń taǵy bir naqty kórsetkishi deýge bolady», – dedi. «Egemen-aqparat».