О́SKEMEN. 18 mamyr. Shyǵys óńirinde byltyr jóndeýden ótken respýblıkalyq jáne oblystyq dárejedegi joldardyń jaǵdaıy tekserýden ótpek. Bul týraly Shyǵys Qazaqstan oblysy ákiminiń baspasóz qyzmetine silteme jasaǵan egemen.kz tilshisi habarlady.
Oblys ákimi Danıal Ahmetov apparattyń keńeıtilgen otyrysynda tıisti vedomstvolarǵa osyndaı tapsyrma júktedi. О́ńir basshysynyń tapsyrmasy boıynsha, merdigerlerdiń kepildik mindettemeleri aıasynda ótken jyly jóndeýden ótken joldardyń qysqy jáne kóktemgi maýsynan keıingi jaǵdaıy saralanatyn bolady.
«Byltyr О́skemennen Rıdderge deıingi tas joldy ortasha jóndeýden ótkizý boıynsha kóp jumys atqaryldy. Sondyqtan barlyq merdigerler joldardyń jaǵdaıyn tekserýi qajet. Sebebi, keı jol ýchaskelerinde jerasty sýlary men qarǵyn sýlarǵa baılanysty naqty jumys atqarylmaǵan tustary da bar», – dedi Danıal Ahmetov.
Oblys basshylyǵy joldardyń ortasha jóndeýden ótkizilýine basa nazar aýdaryp otyrǵany belgili. Al keıbir aýdandarda atalǵan jumysqa qatysty tapsyrmalar tolyǵymen oryndalyp otyrǵan joq. Onyń ishinde, «О́skemen-Bobrovka», «О́skemen-Samar» joldaryndaǵy ýchaskeler tegistelmesten jóndelgen bolatyn. Sondaı-aq, Danıal Ahmetov qalalar men aýdandardy kóriktendirý jumystaryn jandandyrýdy jáne respýblıkalyq joldardaǵy shuńqyrlardy 1 maýsymǵa deıin, al oblystyq dárejedegi joldardy 1 shildege deıin jóndeýdi tapsyrdy.
Dýman Anash.
Derek: Shyǵys Qazaqstan oblysy ákiminiń baspasóz qyzmeti.
Foto: egemen.kz.