densaýlyq saqtaý máselesin sóz etti
Jýyrda Astana qalasynyń №2 aýrýhanasynda densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn iske asyrý máseleleri boıynsha Qazaqstan Respýblıkasy Parlamenti Májilisi Áleýmettik-mádenı damý komıtetiniń kóshpeli otyrysy ótti.
Osy memlekettik baǵdarlamaǵa sáıkes, ómir súrýdiń kútiletin uzaqtyǵyn ulǵaıtý, medısınalyq qyzmetterge qoljetimdilikti jáne sapasyn arttyrý, densaýlyq saqtaý salasyn qarjylandyrý jáne basqarý júıesin jaqsartý densaýlyq saqtaý salasynyń strategııalyq maqsattary bolyp tabylady. Onyń ishinde, mynadaı: jiti mıokard ınfarkty, mı qan aınalymynyń jiti buzylysy (ınsýlt), jańa qaterli isikter, jaraqattar, júktilik jáne bosaný sııaqty bes negizgi áleýmettik máni bar, sondaı-aq, eldiń demografııasyna aıtarlyqtaı áser etetin aýrýlar boıynsha arnaıy is-qımyldar josparyn iske asyrý kózdelip otyr. Jıyn barysynda depýtattar aýrýhanany aralap kórip, ondaǵy emdeý isimen jaqynnan tanysty.
«Densaýlyq» memlekettik baǵdarlamasyn iske asyrý máseleleri boıynsha Densaýlyq jáne áleýmettik damý vıse-mınıstri E.Birtanov atalǵan taqyryp sheńberinde egjeı-tegjeı baıandama jasady. Ol óz sózinde: «Bolashaqta smartfondar keń qoldanysqa shyǵady dep oılaımyz. Osy mobıldi qosymsha arqyly kez kelgen emdelýshi óz-ózin qabyldaýǵa jaza alady. Tıisti emdeý mekemesindegi kezekti qarap, oǵan tirkelýge múmkindigi bar. Sondyqtan da bolar, qazirgi tańda, bizde IT-mamandaryna degen suranys joǵary bolyp tur» dedi.
Kóshpeli otyrysqa qatysýshylar belsendi túrde pikir almasty. Atalǵan aýrýhananyń bas dárigeri Ivan Lı, Májilis depýtattary sóılep, osy máselege qatysty qyzý saýaldar qoıylyp, tıisti jaýaptar berildi. Otyrysta aıtylǵan pikirlerdi Áleýmettik-mádenı damý komıtetiniń tóraıymy Gúlnar Yqsanova qorytyndylady.
Raýshan SÚLEIMENOVA