Jarystar jańǵyryǵy

DZIýDO. Almatyda «Grand Prix» týrnıri ótti. Jarysta Qazaq­stan dzıýdoshylary bir altyn, úsh kúmis jáne eki qola ıelendi. Týrnırde áıel­der arasynda Gal­badrah Ot­gonseseg (48 kg) jeńimpaz atan­dy. Rústem Ybyraev (60 kg), Jansaı Smaǵulov (66 kg), Albına Aman­geldıeva (78 kg) kúmis júlde ıelendi. 66 kılo sal­maqtaǵy Eldos Jumaqanov pen 73 kılo salmaqta synǵa túsken Dıdar Hamza qola medaldi jeńip aldy. FÝTBOL. Senbi-jeksenbi kúnderi Qazaqstan premer-lı­gasy 11-týrynyń matchtary oınaldy. Kezdesýler mynadaı eseptermen aıaqtaldy: «Shahter» (Qara­ǵandy) – «Aq­tóbe» (Aqtóbe) 0:2, «Taraz» (Taraz) – «Ordabasy» (Shym­kent) 1:2, «Oqjetpes» (Kók­shetaý) – «Tobyl» (Qostanaı) 1:1, «Aq­jaıyq» (Oral) – «Jetisý» (Tal­dy­qorǵan) 1:2, «Atyraý» (Aty­raý) – «Astana» (Astana) 1:0, «Qaırat» (Almaty) – «Ertis» (Pavlodar) 1:0 ERKIN KÚRES. Qazaq­standyq balýan Haıratqan Shonký 125 kıloǵa deıingi salmaq dárejesinde estý qabileti tómen sportshylar ara­synda álem chempıony atandy. Osy chempıonatta Nursultan Dúı­senbıev, Ǵabıt Esjan men Asyl­jan Tájıev qola medalǵa ıe boldy. TENNIS. Qazaqstandyq ten­nıs­shiler Zarına Dııas, Iаros­lava Shvedova jáne Galına Vos­koboeva Slovakııanyń Trnava, Týnıstiń La Mars qala­la­ryn­da ITF serııasy boıyn­sha ótip jatqan týrnırde jáne Internazionali BNL d’Italia ha­lyq­­aralyq jarysynda shırek fınalǵa shyqty. ShAHMAT. Almatyda Qazaq­stan chempıonaty ótti. Oǵan 22 shahmatshy qatysty. Jarysta qyzdar arasynda Jansaıa Áb­dimálik alǵash ret Qazaqstan chempıony atandy. Erler arasynda Petr Kostenko chempıondyq ataqty ıelendi. «Egemen-aqparat»